దక్షిణ అమెరికా దేశమైన చిలీలో అర్థరాత్రి భూకంపం (Earthquake) సంభవించింది. చిలీలో 6.2 తీవ్రతతో భూకంపం వచ్చినట్లు నేషనల్ సెంటర్ ఫర్ సిస్మోలజీ సమాచారం అందజేసింది. చిలీలోని స్థానిక మీడియా నివేదికల ప్రకారం.. అక్కడ భూకంప ప్రకంపనలు సంభవించాయని, అయితే వార్త రాసే వరకు ఈ భూకంపం కారణంగా ఎటువంటి ప్రాణ, ఆస్తి నష్టం జరగలేదు. భూకంప కేంద్రం చిలీ రాజధాని శాంటియాగోకు నైరుతి దిశలో 328 కిలోమీటర్ల దూరంలో ఉందని చెప్పారు. మార్చి 30న చిలీలో ఈ భూకంపం సంభవించింది.
గురువారం రాత్రి 11.03 గంటలకు భూమి ఒక్కసారిగా కంపించింది. దీంతో జనం భయంతో ఇళ్ల నుంచి బయటకు పరుగులు తీశారు. రిక్టర్ స్కేలుపై దీని తీవ్రత 6.2గా నమోదైంది. భూ అంతర్భాగంలో 10 కిలోమీటర్ల లోతులో కదలికలు చోటుచేసుకున్నాయని NCS తెలిపింది.
Also Read: Donald Trump: అమెరికా మాజీ అధ్యక్షుడు డొనాల్డ్ ట్రంప్ పై క్రిమినల్ అభియోగం.. త్వరలోనే అరెస్ట్..?
నేషనల్ సిస్మాలజీ నివేదిక ప్రకారం.. చిలీ తర్వాత కాబూల్‌లో కూడా భూకంపం సంభవించింది. రిక్టర్ స్కేలుపై దీని తీవ్రత 4.4గా నమోదైంది. దీని కేంద్రం కాబూల్‌కు ఈశాన్యంగా 189 కి.మీ, భూమి లోపల 152 కి.మీ లోతులో ఉంది. అంతకుముందు, గత ఆదివారం ఆఫ్ఘనిస్తాన్ ప్రక్కనే ఉన్న టెహ్రాన్‌లో కూడా భూకంపం సంభవించింది. UCS నివేదిక ప్రకారం.. వాయువ్య టెహ్రాన్‌లో భూకంపం తీవ్రత 5.6గా నమోదైంది. స్థానిక మీడియా నివేదికల ప్రకారం.. భూకంపం వల్ల ప్రాణ, ఆస్తి నష్టం కూడా సంభవించింది. మొత్తం 239 మంది గాయపడ్డారు.