Rape Case : జూబ్లీహిల్స్ గ్యాంగ్ రేప్ నిందితుల షాకిచ్చిన కోర్టు.. రెండోసారి..?

హైదరాబాద్‌: జూబ్లీహిల్స్‌ గ్యాంగ్‌ రేప్‌ కేసులో మైనర్‌ నిందితులు బెయిల్‌ పిటిషన్లను జువైనల్ జస్టిస్ బోర్డు రెండోసారి తిరస్కరించింది. జూన్ చివరి వారంలో రెండు, మూడు, ఐదు నిందితుల తరఫు న్యాయవాదులు బెయిల్‌ కోరుతూ రెండోసారి మళ్లీ పిటిషన్లు దాఖలు చేశారు. ఈ కేసులో చాలా వరకు దర్యాప్తు పూర్తయినందున నిందితులను బెయిల్‌పై విడుదల చేయవచ్చని డిఫెన్స్ లాయర్లు వాదించారు. అయితే బెయిల్ పిటిషన్‌లను తీవ్రంగా వ్యతిరేకిస్తూ, నిందితులందరిపై ఆరోపణలు తీవ్ర స్థాయిలో ఉన్నాయని, విచారణ ఇంకా ప్రాథమిక దశలోనే ఉందని అందువల్ల నిందితులకు బెయిల్ మంజూరు చేయడం వల్ల కేసు దర్యాప్తుకు ఆటంకం ఏర్పడుతుందని ప్రాసిక్యూషన్ బోర్డుకు తెలియజేసింది. పోలీసులు దాఖలు చేసిన కౌంటర్‌ను పరిగణనలోకి తీసుకున్న జువైనల్ జస్టిస్ బోర్డు బెయిల్ పిటిషన్‌లను తిరస్కరించింది. జూన్ 22న బెయిల్ పిటిషన్‌ను పోలీసులు తీవ్రంగా వ్యతిరేకించడంతో నలుగురు మైనర్ నిందితుల బెయిల్‌ను జువైనల్ జస్టిస్ బోర్డు తిరస్కరించింది. ఐదుగురు మైనర్ నిందితులు సైదాబాద్‌లోని బాలుర జువైనల్ హోమ్‌లో ఉండగా, మరో ప్రధాన నిందితుడు సాదుద్దీన్ మాలిక్ చంచల్‌గూడ సెంట్రల్ జైలులో ఉన్నారు.