భారత దేశం ఎంతో విశాలమైనది. మన ఈ భారతదేశంలో ఎన్నో రకాల పర్యాటక ప్రదేశాలు, ఆలయాలు, కోటలు, చారిత్రక ప్రదేశాలు ఇలా ఎన్నెన్నో అద్భుతమైన ప్రదేశాలు ఉన్నాయి. జీవితాంతం తిరిగినా కూడా ఇంకా చూడాల్సిన ప్రదేశాలు ఎన్నో ఉన్నాయి. అటువంటి ఒక గొప్ప దేశం మన భారత దేశం. ఇటువంటి మన భారతదేశంలో ఇప్పుడు మనం చివరి 5 ప్రదేశాలు గురించి తెలుసుకుందాం. ఇప్పుడు మనం తెలుసుకో పోయే ఆ చివరి ఐదు ప్రదేశాలు అత్యంత ప్రత్యేకమైనవి. అందులో ఒక ప్రత్యేకత కూడా ఉంది. అదేమిటంటే ఈ భారతదేశంలో చివర ఉన్న ఐదు ప్రదేశాలలో ఎక్కడికి వెళ్ళినా కూడా ఆ ప్రదేశం, ఆ చుట్టూ ఉన్న పర్యావరణం మనకు జీవితాంతం గుర్తుండిపోతుంది. కానీ చాలా మంది అక్కడికి వెళ్లాలి అనుకున్నప్పటికీ రకరకాల పనుల వల్ల అలాంటి ప్రదేశాలకు వెళ్లలేకపోతున్నారు. మరి ఆ ఐదు ఏవి అవి ఎక్కడెక్కడ ఉన్నాయో ఇప్పుడు తెలుసుకుందాం.
అందులో మొదటిది ధనుష్కోడి. భారతదేశ చివరి భూమిగా దీనిని చెబుతారు. అక్కడితో మన ఇండియా రోడ్డు ముగుస్తుంది. అందువల్ల దానిని భారతదేశ చివరి రోడ్డు గా కూడా పిలుస్తారు.ఈ ధనుష్కోడి నుంచి 31 కిలోమీటర్లు శ్రీలంక వచ్చేస్తుంది. తమిళనాడుకు చెందిన పాంబన్ దీవుల్లో ఆగ్నేయ ప్రాంతంలో ఈ ధనుష్కోటి పట్టణం ఉంది. 1964లో వచ్చిన రామేశ్వరం తుఫాను వల్ల ఆ పట్టణ నాశనం కావడంతో ప్రస్తుతం ఆ ప్రదేశంలో ఎవరూ ఉండటం లేదు.
మరొక ప్రదేశం బెంగాల్ మాల్దా జిల్లాలోని హబీబ్ పూర్ లో సింఘాబాద్ రైల్వే స్టేషన్ ఉంది. ఇది ఇండియాలో ప్రాచీనమైన చివరి రైల్వే స్టేషన్. ఈ రైల్వే స్టేషన్ బంగ్లాదేశ్ సరిహద్దున ఉంది. ఈ రైల్వే స్టేషన్ ను స్వాతంత్రానికి ముందు నిర్మించారు. ఇక అప్పటి నుంచి ఎలాంటి మార్పులు లేకుండా అది అలాగే ఉంది. రైల్వే స్టేషన్ దాటితే మనం బంగ్లాదేశ్ కు చేరుకుంటాం. అందువల్లే ఇండియాలో ఇదే చివరి రైల్వే స్టేషన్ గా చెబుతారు.
భారతదేశ చివరి దుకాణం. దీన్ని అక్కడి ప్రజలు హిందుస్థాన్ కి అంతిమ దుఖాన్ అనే పేరుతో పిలుస్తారు. ఈ దుకాణం భారత్ మరియు చైనా సరిహద్దున ఉంది. భారత్లో ఉన్న ఈ షాపు ఉత్తరాఖండ్లోని చమోలి జిల్లాలో ఉంది. బెటర్ ఇండియా షేర్ చేసిన ట్వీట్ ప్రకారం ఇదో టీ షాపు. దీనినే చందర్ సింగ్ గద్వాల్ అనే వ్యక్తి నడుపుతున్నారు. దీన్ని 25 ఏళ్ల కిందట ప్రారంభించారు. కానీ ఇది షాపు చూడటానికి చిన్నగా ఉన్నప్పటికీ 3,118 మీటర్లు అంటే 10,299 అడుగుల ఎత్తులో ఉంది. మీ షాపు చైనా సరిహద్దు కి కొన్ని మీటర్ల లోనే ఉండటం విశేషం.
మరో ప్రదేశం భారతదేశ చివరి గ్రామం. ఆ గ్రామం పేరు చిత్కూల్. ఇది భారత్, టిబెట్, చైనా సరిహద్దు లో భారత్ వైపున ఉంది. అయితే ఈ గ్రామం లో మనుషులు ఎవరు జీవించడం లేదు. అందువల్ల ఉత్తరాఖండ్ లోని చమేలి జిల్లాలో ఉన్న మన ఈ గ్రామాన్ని అధికారికంగా భారతదేశ చివరి గ్రామంగా గుర్తించారు. బద్రీనాథ్ గుడి దగ్గరలో ఉన్న ఈ గ్రామం కూడా పర్యాటక ప్రాంతమే. ఈ గ్రామం సరస్వతీ నది ఒడ్డున ఉంది. సముద్ర మట్టానికి 3,219 మీటర్ల అంటే, 10,561 అడుగుల ఎత్తులో ఉంది. దీనిని చూడడానికి ప్రజలకు మే,జూన్ నెలలో ఎక్కువగా వస్తూ ఉంటారు. నవంబర్ ప్రారంభం వరకు దీనిని చూడటానికి పర్యాటకులను అనుమతిస్తారు.