హైదరాబాద్ (Hyderabad) నగరంలో అక్రమ నిర్మాణాలపై హైడ్రా అధికారులు మరోసారి కూల్చివేతల (Hydra Demolitions) కార్యాచరణ ప్రారంభించారు. శనివారం ఉదయం హైడ్రా బృందాలు తమ బుల్డోజర్లతో వనస్థలిపురం ఇంజాపూర్ (Vanasthalipuram Injapur) ప్రాంతాన్ని చేరుకున్నాయి. ఇక్కడ ప్రధాన రహదారులపై అక్రమంగా నిర్మించిన నిర్మాణాలపై చర్యలు తీసుకుంటూ కూల్చివేతలు చేపట్టారు. ఇందులో పలు చిన్న, పెద్ద స్థాపనలతో పాటు, కొన్ని షాపులు, గోడలు కూడా ఉన్నాయి.
Central Intelligence: ఐఏఎస్, ఐపీఎస్‌ల ఆస్తులపై ‘‘నిఘా’’.. ఎందుకు ?
ఇంజాపూర్ లోని పలు కాలనీలకు వెళ్లే ప్రధాన రోడ్డును ఆక్రమించి నిర్మించిన గదులు, షెడ్లు, కంచెలను అధికారులు తొలగించారు. ప్రజలకు రవాణా సంబంధిత ఇబ్బందులు తలెత్తకుండా చూడడమే లక్ష్యంగా ఈ చర్యలు తీసుకున్నట్టు అధికారులు వెల్లడించారు. ముందుగా నోటీసులు జారీ చేసినప్పటికీ, కొన్ని నిర్మాణాలు తొలగించకపోవడంతో తప్పనిసరి చర్యగా కూల్చివేతలకు దిగినట్టు చెప్పారు.
ప్రాంత వాసుల్లో ఈ చర్యలు కొంత భయానక వాతావరణాన్ని సృష్టించినా, చాలా మంది ఈ నిర్ణయాన్ని స్వాగతిస్తున్నారు. రహదారులు విస్తరించి ట్రాఫిక్ సౌలభ్యం పెరగడం వలన ప్రజలకు ప్రయోజనమేనని అభిప్రాయపడ్డారు. హైడ్రా అధికారులు తమ డ్రైవ్‌ను పలు ప్రాంతాల్లో కొనసాగించే అవకాశం ఉన్నట్లు సమాచారం. తద్వారా నగరంలో శాశ్వత రవాణా సమస్యలకు పరిష్కారం దొరుకుతుందని వారు ఆశిస్తున్నారు.