Assam CM: రేవంత్ కంప్లైంట్.. అస్సాం సీఎంపై కేసు నమోదు!

కాంగ్రెస్ అధినేత రాహుల్ గాంధీపై చేసిన ఆరోపణపై అస్సాం ముఖ్యమంత్రి హిమంత బిస్వా శర్మపై కేసు నమోదు చేసినట్లు పోలీసులు బుధవారం తెలిపారు. తెలంగాణ ప్రదేశ్ కాంగ్రెస్ కమిటీ (టీపీసీసీ) అధ్యక్షుడు, ఆ పార్టీ ఎంపీ రేవంత్ రెడ్డి ఇచ్చిన ఫిర్యాదు మేరకు జూబ్లీహిల్స్ పోలీస్ స్టేషన్‌లో ఎఫ్ఐఆర్ నమోదు చేసినట్లు వారు తెలిపారు. ‘చట్టపరమైన అభిప్రాయం తీసుకున్న తర్వాత సంబంధిత ఐపిసి సెక్షన్ల కింద అస్సాం సిఎంపై కేసు నమోదైంది” అని సీనియర్ పోలీసు అధికారి తెలిపారు.

పొలిటికల్ మైలేజ్ కోసం రాహుల్ గాంధీపై (ఫిబ్రవరి 11న ఉత్తరాఖండ్‌లో జరిగిన బహిరంగ సభలో) అసభ్యకరమైన ప్రసంగం చేశారని, అస్సాం సీఎంపై ఎఫ్‌ఐఆర్ నమోదు చేయాలని రేవంత్ రెడ్డి ఫిర్యాదులో పేర్కొన్నారు. సెప్టెంబర్ 2016లో పీఓకేలోని ఉగ్రవాద శిబిరాలపై భారత సైన్యం ప్రారంభించిన సర్జికల్ స్ట్రైక్‌ను రుజువు చేయాలని డిమాండ్ చేసినందుకు, ఉత్తరాఖండ్‌లో ఎన్నికలకు వెళ్లే ర్యాలీలో కోవిడ్-19 వ్యతిరేక వ్యాక్సిన్‌ల సామర్థ్యాన్ని ప్రశ్నించినందుకు రాహుల్ గాంధీపై అనుచిత వ్యాఖ్యలు చేసిన విషయం తెలిసిందే