New Year Events : హైదరాబాద్ నగరంలో నూతన సంవత్సర వేడుకల సందర్భంగా పోలీసులు అప్రమత్తమయ్యారు. పబ్‌లు, బార్లు, రెస్టారెంట్లు, రిసార్ట్లపై ప్రత్యేకంగా నిఘా పెట్టారు. ఈ సందర్భంగా నార్కొటిక్స్ బ్యూరో, స్థానిక పోలీసులు, ఎక్సైజ్ అధికారుల సంయుక్త ఆధ్వర్యంలో తనఖీ చర్యలు చేపట్టారు. ఈ మెరుగైన తనిఖీలు డ్రగ్స్ వినియోగం నియంత్రణపై దృష్టి సారించారు. ఈవెంట్ నిర్వహణలో భాగంగా ఏ రకమైన డ్రగ్స్ వినియోగం జరుగకుండా పబ్ యజమానుల నుంచి అండర్‌టేకింగ్ తీసుకున్నారు.
నార్కొటిక్స్ బ్యూరో – ఎక్సైజ్ అధికారులు కీలక చర్యలు
తెలంగాణ ఎక్సైజ్ ఎన్‌ఫోర్స్‌మెంట్ డైరెక్టర్ కమలాసన్ రెడ్డి మాట్లాడుతూ, రాష్ట్రంలో డ్రగ్స్ నిర్మూలన కోసం ఎక్సైజ్ డిపార్ట్మెంట్ పనిచేస్తుందని తెలిపారు. ముఖ్యమంత్రి రేవంత్ రెడ్డి ఆదేశాల మేరకు నార్కొటిక్స్ డ్రగ్స్ ను అరికట్టడంలో ఎక్సైజ్ శాఖ పెద్దగా కృషి చేస్తోంది. గంజాయి, డ్రగ్స్ ఎక్కువగా వినియోగించే ప్రాంతాలను గుర్తించి, పబ్‌లపై ప్రత్యేక బృందాలతో ప్రత్యేక ఆపరేషన్లు చేపట్టారు. గంజాయి నిర్మూలనలో భాగంగా ‘ఆపరేషన్ ధూల్‌పేట్’ని కూడా నిర్వహించారు.
బంజారాహిల్స్ పరిధిలోని ప్రముఖ పబ్‌లు, హోటళ్లు, బార్లలో తనిఖీలు చేపట్టారు, వాటిలో టాస్‌, హోయిస్ట్, పార్క్ హయత్, లీలా హైదరాబాద్ స్టార్ హోటల్ అండ్ బార్‌లతో పాటు ఇతర ప్రదేశాలు ఉన్నాయి. ఉప్పల్ పరిధిలో వేవ్ పబ్, రాజేంద్ర నగర్‌లోని సిలెబర్ టెర్రేస్ కిచెన్‌లోనూ తనిఖీలు నిర్వహించారు. ఫిల్మ్ నగర్, జూబ్లీహిల్స్ పరిధి లోని పబ్‌లు, బార్లలోనూ ఆపరేషన్లు జరిగాయి. సరూర్ నగర్, మోకిల, గచ్చిబౌలి, రాయదుర్గం, నార్సింగి పరిధిలోని పబ్‌లు, బార్లలో పోలీసులు తనిఖీలు నిర్వహించారు.
హెచ్చరికలు , నిబంధనలు
ఈ తనిఖీలు జరిగే క్రమంలో పబ్ యజమానులకు కఠిన హెచ్చరికలు జారీ చేసినట్లు పోలీసు అధికారులు తెలిపారు. పబ్‌లలో డ్రగ్స్ వినియోగం కనిపించినా, వాటిని సీజ్ చేసి లైసెన్సులను రద్దు చేస్తామని హెచ్చరించారు. అలాగే, మందు సరఫరా సమయాన్ని తప్పించకుండా, సమయానికి మద్యపాన వస్తువులను సరఫరా చేయాలని స్పష్టం చేశారు. సమయానికి మించి మందులు సరఫరా చేయడం లేదా ఇతర నిబంధనలు ఉల్లంఘించడం అయితే కఠిన చర్యలు తీసుకోవాలని చెప్పారు.
పోలీసులు నూతన సంవత్సరం వేడుకల్లో ఎటువంటి అపశృతి చోటుచేసుకోకుండా, పబ్ నిర్వాహకులు జాగ్రత్తగా నిర్వహించాలని సూచించారు. అలా చేయకపోతే, చర్యలు తప్పవని తెలిపారు.
TGSRTC : ఏపీ వాసులకు గుడ్‌ న్యూస్‌.. సంక్రాంతికి స్పెషల్‌ బస్సులు ఎన్నంటే..!