Road Accident: పెళ్ళికి ముస్తాబవుతున్న వరుడికి యమపాశం ఎదురైంది. రోడ్డు ప్రమాదంలో వరుడిని బలి తీసుకుంది. దీంతో ఆ కుటుంబంలో విషాదఛాయలు అలుముకున్నాయి. బంధువులకు పెళ్లి కార్డులు పంచిపెట్టి మోటార్ సైకిల్పై ఇంటికి వస్తున్న ఓ యువకుడు అంబనబోలు వద్ద రోడ్డు ప్రమాదంలో మృతి చెందాడు .
యాదాద్రి భువనగిరి జిల్లాలోని మోత్కూర్కు చెందిన కె.శివ (25)కి ఫిబ్రవరి 18న వివాహం నిశ్చయించగా కుటుంబ సభ్యులు ఏర్పాట్లలో నిమగ్నమయ్యారు. శివ మోత్కూరులో కిరణాల దుకాణం నడుపుతున్న వెంకటయ్య కుమారుడు. నల్గొండలోని బంధువులకు పెళ్లి కార్డుల పంపిణీ నిమిత్తం శివ శనివారం ఉదయం ఇంటి నుంచి బయలుదేరాడు . ఆదివారం తెల్లవారుజామున ఇంటికి తిరిగి వస్తుండగా అంబనాబోలె వద్ద బైక్ అదుపు తప్పి తలకు బలమైన గాయమైంది .అతడిని అంబులెన్స్లో నార్కట్పల్లిలోని కామినేని ఇన్స్టిట్యూట్ ఆఫ్ మెడికల్ సైన్సెస్కు తరలించగా అప్పటికే మృతి చెందినట్లు వైద్యులు ప్రకటించారు. దీంతో కుటుంబ సభ్యులు కన్నీరుమున్నీరు అవుతున్నారు.
Also Read: AP : పొత్తులపై అనుకూలమైన నిర్ణయాలు వస్తాయి – పురంధేశ్వరి