Go First Credits Salary: చాలా కాలంగా ఆర్థిక సమస్యలతో సతమతమవుతున్న ఎయిర్లైన్స్ సంస్థ గో ఫస్ట్.. పండుగకు ముందే ఉద్యోగులకు పెద్ద ఊరటనిచ్చింది. CNBC TV18లో ప్రచురించిన నివేదిక ప్రకారం.. కంపెనీ రక్షా బంధన్, గణపతి పండుగకు ముందు ఉద్యోగులకు జూన్ జీతాన్ని (Go First Credits Salary) చెల్లించింది. వివిధ రుణదాతల నుండి నిధులు పొందిన తరువాత కంపెనీ ఉద్యోగుల జీతాన్ని చెల్లించడం గమనార్హం. ఇటీవల GoFirst వివిధ రుణదాతల నుండి 100 కోట్ల రూపాయల మొత్తాన్ని అందుకుంది. ఈ మొత్తాన్ని ఉద్యోగుల జీతం, పార్కింగ్, ఎయిర్పోర్ట్ ఖర్చు, బీమా ప్రీమియం, విమానాల సంరక్షణ కోసం మాత్రమే వినియోగిస్తామని గతంలోనే గోఫస్ట్ ప్రకటించింది.
ఆగస్టు 31 వరకు గోఫస్ట్ విమానాలు రద్దు
అంతకుముందు అప్పుల ఊబిలో కూరుకుపోయిన GoFirst ఆగస్టు 31, 2023 వరకు తన అన్ని విమానాలను రద్దు చేసింది. కార్యాచరణ కారణాల వల్ల ఆగస్ట్ 31, 2023 వరకు ఎయిర్లైన్ తన అన్ని విమానాలను రద్దు చేసినట్లు సోషల్ మీడియా ప్లాట్ఫారమ్ ట్విట్టర్ లో ట్వీట్ చేయడం ద్వారా కంపెనీ ఈ సమాచారాన్ని అందించింది. జూలై 2023లో కంపెనీ DGCA నుండి ఆపరేట్ చేయడానికి అనుమతి పొందింది. ప్రతిరోజు 15 ఎయిర్క్రాఫ్ట్లు, 114 విమానాలు నడిపేందుకు డీజీసీఏ కంపెనీకి అనుమతులు ఇచ్చినప్పటికీ ఇప్పటి వరకు కంపెనీ తన విమానాలను నడపలేకపోయింది. మధ్యంతర నిధుల లభ్యత, విమాన షెడ్యూల్కు ఆమోదం లభించిన తర్వాత కంపెనీ ఈ అనుమతిని పొందింది.
Also Read: Delhi Woman Guard Rape : మహిళ సెక్యూరిటీ గార్డ్ ఫై అత్యాచారం
500 మంది పైలట్లు ఉద్యోగం మానేశారు
గోఫస్ట్లోని 600 మంది పైలట్లలో 500 మంది మరో ఎయిర్లైన్లో చేరారని గతంలో CNBC TV18 నివేదించింది. పైలట్లు, క్యాబిన్ సిబ్బంది, ఎయిర్క్రాఫ్ట్ మెయింటెనెన్స్ ఇంజనీర్లు తదితర హోదాల్లో పనిచేస్తున్న పలువురు ఉద్యోగులు తమ రాజీనామాలను కంపెనీకి సమర్పించారు.