ED Raids On Hero Motocorp : దేశంలోనే అతిపెద్ద టూవీలర్ కంపెనీ చీఫ్ ఇంట్లో ఈడీ రైడ్స్  

Ed Raids On hero Motocorp

ED Raids On Hero Motocorp : దేశంలోనే అతిపెద్ద టూవీలర్ కంపెనీ హీరో మోటోకార్ప్‌ ఛైర్మన్‌ పవన్‌ ముంజాల్‌ నివాసంలో ఎన్‌ఫోర్స్‌మెంట్‌ డైరెక్టరేట్‌ (ఈడీ)  ఇవాళ  సోదాలు చేసింది.

మనీలాండరింగ్ వ్యవహారానికి సంబంధించిన విచారణలో భాగంగా హీరో మోటోకార్ప్ ఎగ్జిక్యూటివ్ ఛైర్మన్ పవన్ ముంజాల్‌తో పాటు మరికొందరిపై  ఈడీ దాడులు నిర్వహించినట్లు పీటీఐ వార్తా సంస్థ కథనాన్ని ప్రచురించింది.

ముంజాల్‌కు సన్నిహితంగా ఉండే ఒక వ్యక్తి దగ్గర అక్రమ విదేశీ కరెన్సీ నిల్వలు ఉన్నాయంటూ డైరెక్టరేట్ ఆఫ్ రెవెన్యూ ఇంటెలిజెన్స్ (DRI)కు  ఫిర్యాదులు అందాయి.  దీనికి సంబంధించిన దర్యాప్తులో భాగంగానే  పవన్‌ ముంజాల్‌ నివాసంలో ఈడీ సోదాలు చేసిందని అంటున్నారు. 

Also read : Australia: 10 ఏళ్లకే కంపెనీ సీఈవో..12 ఏళ్లకు రిటైర్మెంట్.. చిన్న వయసులోనే అరుదైన ఘనత?