మన చుట్టూ ఉన్న ఈ ప్రపంచంలో ఎన్నో రకాల ఔషధ మొక్కలు, పూల మొక్కలు ఉన్నాయి. ఈ కలల ప్రపంచంలో ఎన్నో రంగు రంగుల పూలను చూసి ప్రకృతి ప్రేమికులు మైమరచిపోతూ ఉంటారు. అలాంటి పూల పై తేనెటీగలు తేనె కోసం వచ్చి వాలుతూ ఉంటాయి. అయితే ఈ భూమిపై మన చుట్టూ కనిపించే పూలు కాకుండా ఇంకా ఎన్నో రకాల పూలు ఉన్నాయి. కొన్ని రకాల పూలను చూస్తే ఎంతో ఆశ్చర్యం కలుగుతు ఉంటుంది. అలాంటి వాటిలో ముద్దుల పూలు కూడా మన ప్రత్యేకమైనదిగా చెప్పుకోవచ్చు. పాపులను అమ్మాయి ముద్దుల పూలు అని కూడా పిలుస్తూ ఉంటారు.
దీనిని సైంటిఫిక్ గా పాలికొరియా ఎలాటా లేదా సైకోట్రియా ఎలాట అని కూడా పిలుస్తూ ఉంటారు. ఈ పూలు అచ్చం అమ్మాయిల పెదవులు ఎలా అయితే పింక్ రెడ్ కలర్ లో ఉంటాయో ఆ విధంగా ఉంటాయి. రెండు పెదవులతో గాఢమైన ముద్దు ఇస్తున్నట్లుగా ఆ పూలు ఉంటాయి. ఆ పూల పెదవుల్ని హుకర్ లిప్స్ అని కూడా అంటారు. హుకర్ అంటే వ్యభిచారి లేదా వేశ్య అని అర్థం. అయితే మరి అంత దారుణంగా ఎందుకు పోల్చారు అంటే ఆ పూలు అంతలా మెరుస్తూ ఉండడం వల్లే వాటికి ఆ పేరు పెట్టారు. ఈ మొక్కలు ఎక్కువగా దక్షిణ అమెరికా, వర్ష ఆధారిత అమెజాన్ అడవుల్లో పెరుగుతూ ఉంటాయి.
ఈక్వెడార్, కోస్టారిక, పనామా, కొలంబియా ఇలాంటి వాతావరణంలో ఎక్కువగా పెరుగుతూ ఉంటాయి. అమెరికాలో ప్రజలు ఈ పూలతో ఉన్న మొక్కలను గిఫ్టుగా కూడా ఇస్తూ ఉంటారు. ఈ పూలు ఆరోగ్యానికి కూడా ఎంతో మేలు చేస్తాయి. ఈ పూల మొక్కల ఆకులు, బెరడు గుజ్జులా చేసి చర్మానికి రాసుకోవడం వల్ల దద్దుర్లు తగ్గుతాయి. అదేవిధంగా దగ్గు,ఆస్తమా వంటి వాటికి కూడా ఈ పువ్వులు బాగా పనిచేస్తుందని తెలుస్తోంది. ఇకపోతే ప్రస్తుతం అడవులు నరికి చేస్తుండడంతో ఈ మొక్కల సంఖ్య భారీగా తగ్గిపోతోంది. దీంతో ఈ మొక్కలు అరుదైన మొక్కల జాబితాలో చేరిపోయారు.