Mangli Issue : మంగ్లీ బర్త్డే పార్టీ వివాదం ఇప్పుడు హాట్ టాపిక్గా మారిన వేళ, ఆ పార్టీలో పాల్గొన్న వ్యక్తుల జాబితాలో బిగ్బాస్ ఫేమ్ దివి పేరు కూడా రావడం హాట్ టాపిక్ అయింది. ఈ వివాదంలో ఆమె కూడా పోలీసుల ప్రశ్నలకు సరైన సమాధానం ఇవ్వకుండా దురుసుగా ప్రవర్తించిందని కొన్ని మీడియా కథనాలు వచ్చాయి. దీంతో దివిపై సోషల్ మీడియా నుంచి మీడియాలో వరకూ విస్తృతంగా నెగటివ్ ప్రచారం మొదలైంది.
ఈ నేపథ్యంలో దివి స్పందిస్తూ ఒక ఆడియో నోట్ విడుదల చేశారు. “మీడియా మిత్రులకు ఒక చిన్న విజ్ఞప్తి. ఒక ఫ్రెండ్ బర్త్డే పార్టీకి వెళ్లడం పాపమా? ఆ పార్టీకి నేను వెళితే అక్కడ ఏం జరిగినా దానికి బాధ్యత నాది అంటారా? ఆ రోజు నేను వెళ్లినది ఫ్రెండ్ పిలిచినందుకు మాత్రమే. ఆమె మంచిగా ఉందని, మానవ సంబంధాల పరంగా మాత్రమే వెళ్లాను. నేను మద్యం సేవించలేదని, ఎలాంటి అనైతిక కార్యకలాపాల్లో పాల్గొనలేదని చెబుతున్నాను,” అని ఆమె స్పష్టం చేశారు.
Heavy rains : ఏపీలో నేడు, రేపు భారీ వర్షాలు
“మీరు నిజంగా నాతో ఏమైనా తప్పు జరిగిందని భావిస్తే, దానికి ఆధారాలు చూపించండి. ఆధారాలు లేకుండా నా ఫోటోలు ముద్రించడం, నాపై బురద చల్లడం ఎంతవరకు న్యాయసమ్మతమో చెప్పండి. మాధ్యమం అనేది ప్రజాస్వామ్యంలో నాలుగవ స్థంభం, అందుకే సమతుల్యంగా ఉండాలి. మీరు ఇలా వ్యవహరిస్తే నా కెరీర్ దెబ్బతింటుంది. నా కేరీర్ ఆగిపోతుంది. నేను ఎంతో కష్టపడి ఈ స్థాయికి వచ్చాను,” అని ఆమె ఆవేదన వ్యక్తం చేశారు.
అంతేకాకుండా.. “ఇంత వేరే పరిస్థితుల్లో కూడా నేను ప్రశాంతంగా ఉండి, ఎవరికీ నష్టం లేకుండా నా జీవితం సాగిస్తున్నాను. ఇప్పుడొచ్చి అలాంటి తప్పుడు ఆరోపణలు చేయడం వల్ల, నా పేరును మీడియా ప్రధానంగా చూపించడం వల్ల నాకు ఎంత మానసిక వేదన ఎదురవుతుందో మీరు ఊహించండి. మీడియా బాధ్యతగా వ్యవహరించాలని కోరుకుంటున్నాను,” అని చెప్పుకొచ్చారు.
ఇక ఈ వివాదంపై దివి స్పందన తరువాత ఆమె అభిమానులు సోషల్ మీడియాలో ఆమెకు మద్దతుగా నిలుస్తున్నారు. “దివి ఎప్పుడూ నెగటివ్ పర్సన్ కాదు”, “ఆమె మీద తప్పుడు ఆరోపణలు చేయడం దుర్మార్గం” అంటూ హ్యాష్ట్యాగ్లు ట్రెండ్ అవుతున్నాయి. ఇప్పుడు ఈ వివాదం ఏ దిశగా వెళ్తుందన్నది వేచి చూడాల్సిన విషయమే.
Thalliki Vandanam : “తల్లికి వందనం” పథకంలో అమల్లో లోకేష్ కీ రోల్