Delhi Coaching Centre Flooded: ఢిల్లీలోని పాత రాజేంద్రనగర్‌లోని కోచింగ్ సెంటర్‌ బేస్‌మెంట్‌లో నీరు నిలిచి ముగ్గురు విద్యార్థులు మృతి చెందడంతో విద్యార్థుల్లో అలజడి నెలకొంది. దీంతో వివాదం తారాస్థాయికి చేరుకుంది. ఘటనపై విద్యార్థులు నిరసనకు దిగారు. వేలాది మంది రోడ్డుపైకి వచ్చి ప్రభుత్వానికి వ్యతిరేక నినాదాలు చేస్తున్నారు. అదే సమయంలో ఢిల్లీ మేయర్ శైలి ఒబెరాయ్ ఇంటి వెలుపల విద్యార్థులు మరియు ఎబివిపి నిరసన తెలిపారు. ఈ సమయంలో పోలీసులు సంఘటనా స్థలానికి చేరుకుని విద్యార్థులను లాఠీచార్జి చేసి చెదరగొట్టారు.
ఘటనపై ఢిల్లీ మేయర్ స్పందించారు. ఢిల్లీ మేయర్ శైలి ఒబెరాయ్ మాట్లాడుతూ.. ముగ్గురు చిన్నారులు మృతి చెందడం బాధాకరమన్నారు. ఢిల్లీలోని అన్ని కోచింగ్ సెంటర్లపై చర్యలు తీసుకోవాలని ఎంసీడీ కమిషనర్‌కు లేఖ రాశారు. బాధ్యులపై చర్యలు తీసుకోవాలని, ఈ ఏడాది వర్షాలు 88 ఏళ్ల రికార్డును బద్దలు కొట్టాయని, నీటి ఎద్దడి సమస్యపై ఎంసీడీ, పీడబ్ల్యూడీ, ఢిల్లీ జల్ బోర్డు 24 గంటలు పనిచేస్తున్నాయన్నారు.(Delhi Coaching Centre Flooded)
#WATCH | ABVP members protest outside the residence of Delhi Mayor Shelly Oberoi, against the death of 3 students after the basement of a coaching institute in Old Rajinder Nagar was filled with water yesterday. pic.twitter.com/sagluJmg2C
— ANI (@ANI) July 28, 2024
ఢిల్లీలోని ఓల్డ్ రాజేంద్ర నగర్‌లోని కోచింగ్ సెంటర్‌లో జరిగిన ఈ ఘటనపై లెఫ్టినెంట్ గవర్నర్ వినయ్ కుమార్ సక్సేనా ట్విటర్‌లో పోస్ట్ చేస్తూ “ఈ ఘటనకు సంబంధించిన ప్రతి అంశాన్ని మంగళవారంలోగా నివేదిక సమర్పించాలని డివిజనల్ కమిషనర్‌ని ఆదేశించారు. సెంట్రల్ ఢిల్లీ డిప్యూటీ కమీషనర్ ఆఫ్ పోలీస్ హర్ష్ వర్ధన్ మాట్లాడుతూ.. ముగ్గురు బాధితులు యూనియన్ పబ్లిక్ సర్వీస్ కమిషన్ (UPSC) అభ్యర్థులు, వారు రావు IAS కోచింగ్ ఇన్స్టిట్యూట్‌లో చదువుతున్నారు. మృతులు ముగ్గురిని ఉత్తరప్రదేశ్‌లోని అంబేద్కర్ నగర్ (యుపి)కి చెందిన శ్రేయా యాదవ్, తెలంగాణకు చెందిన తాన్యా సోని మరియు కేరళలోని ఎర్నాకుళానికి చెందిన నివిన్ డాల్విన్‌గా గుర్తించారు. ప్రస్తుతం మృతుల మృతదేహాలను ఆర్‌ఎంఎల్‌ మార్చురీకి తరలించినట్లు ఢిల్లీ పోలీసులు తెలిపారు.
Also Read: Mahesh Babu : మహేష్ ఇక మీద గోల్డ్ స్టార్..?