హైదరాబాద్ ప్రధాన రహదారులు, దేవాలయాలు, రద్దీ ప్రాంతాల్లో బిక్షాటకులు తిష్ట వేసి డబ్బులు అడుగుతుంటారు. అయితే వాళ్లలో నిజమైన యాచకులు ఉన్నారనే అనుమాన చాలామందికి వస్తుంటుంది. కానీ చేసేదేమీ లేక పదో, ఇరవై రూపాయలో దానం చేస్తుంటారు. ఆ భిక్షాటన వెనుక పెద్ద మాఫియా ఉన్నట్టు పోలీసులు తేల్చి చెప్పారు.
హైదరాబాద్ లో కేబీఆర్ పార్క్ జంక్షన్, జూబ్లీహిల్స్ చెక్పోస్టు జంక్షన్లో ఆర్గనైజర్తో పాటు 23 మంది ‘రోజువారీ’ యాచకులను పోలీసులు పట్టుకున్నారు. భిక్షాటన రాకెట్ను ఛేదించారు. రాకెట్ నిర్వాహకుడు అనిల్ పవార్ రూ. జూబ్లీహిల్స్ చెక్పోస్టు వద్ద యాచకులందరి నుంచి రోజుకు 4500 నుంచి 6000 వసూలు చేస్తున్నాడు. ప్రతిగా ఒక్కో బిచ్చగాడికి రోజుకు రూ.200 కూలీగా చెల్లిస్తున్నట్లు పోలీసులు తెలిపారు. నిర్వాహకుడిపై భిక్షాటన నిరోధక చట్టం కింద కేసు నమోదు చేసి తదుపరి విచారణ నిమిత్తం జూబ్లీహిల్స్ పోలీస్ స్టేషన్లోని స్టేషన్ హౌస్ ఆఫీసర్ (ఎస్హెచ్ఓ)కి అప్పగించారు.
Also Read: Pragya Jaiswal: తొడలు చూపిస్తూ, గ్లామర్ హద్దులు చెరిపేస్తున్న బాలయ్య హీరోయిన్