Post Office Scheme: ఈ మధ్య కాలంలో వడ్డీ రేటు బాగా పెరిగింది. ప్రభుత్వ పథకాల నుంచి బ్యాంకు ఎఫ్‌డీల వరకు వడ్డీలో రికార్డు స్థాయిలో పెరుగుదల కనిపించింది. పోస్టాఫీసు పొదుపు పథకాల (Post Office Scheme) కింద వడ్డీ పెరిగింది. ఐదేళ్లలో మెచ్యూర్ అయ్యే పోస్టాఫీసు ఫిక్స్‌డ్ డిపాజిట్ వడ్డీ రేటు కూడా 2023 జూలై-సెప్టెంబర్ త్రైమాసికానికి 7.5 శాతానికి చేరుకుంది.
అదే సమయంలో ప్రభుత్వ, ప్రైవేట్ రంగ బ్యాంకులు కూడా ఐదు సంవత్సరాలకు 7 శాతం నుండి 7.25 శాతం వరకు వడ్డీని అందిస్తున్నాయి. ఇటువంటి పరిస్థితిలో పోస్టాఫీసు పొదుపు పథకాలు మీకు మంచి ఎంపిక. పోస్ట్ ఆఫీస్ టైమ్ డిపాజిట్ అనేది బ్యాంక్ ఫిక్స్‌డ్ డిపాజిట్ లాంటిదే. మీరు కొంత కాలం పాటు ఇందులో డబ్బును డిపాజిట్ చేయవచ్చు. స్థిరమైన రాబడి ప్రయోజనాలను ఆస్వాదించవచ్చు. ఇది ప్రభుత్వ పథకం. ఇది పెట్టుబడిదారులకు హామీతో కూడిన రాబడిని ఇస్తుంది. ఇది పూర్తిగా సురక్షితం.
Also Read: Tomato: వామ్మో.. ఆ దేశంలో టమోటా ధరలు వింటే షాక్ అవ్వాల్సిందే?
ఎక్కడ ఎక్కువ వడ్డీ వస్తోంది
పోస్టాఫీసు టైమ్ డిపాజిట్, బ్యాంక్ ఎఫ్‌డిని పోల్చి చూస్తే పోస్టాఫీసు టైమ్ డిపాజిట్‌పై ఐదేళ్లపాటు 7.5 శాతం వడ్డీ లభిస్తుంది. అదే సమయంలో ఇతర బ్యాంకులలో ఐదేళ్ల ఎఫ్‌డిలపై తక్కువ వడ్డీ రేటు ఇవ్వబడుతుంది. ఎంత శాతం రిటర్న్ ఇస్తుందో చూద్దాం.
పబ్లిక్ సెక్టార్ బ్యాంక్‌లో ఐదేళ్ల FDపై రాబడి
– బ్యాంక్ ఆఫ్ బరోడాలో ఐదేళ్ల FDపై 6.5 శాతం వడ్డీ
– ఐదు సంవత్సరాల FDపై బ్యాంక్ ఆఫ్ ఇండియా 6%
– బ్యాంక్ ఆఫ్ మహారాష్ట్ర 5.75% వడ్డీ
– కెనరా బ్యాంక్ 6.7 శాతం వడ్డీ
– సెంట్రల్ బ్యాంక్ ఆఫ్ ఇండియా 6.25 శాతం వడ్డీ
– ఇండియన్ బ్యాంక్ 6.25 శాతం వడ్డీ
– పంజాబ్ నేషనల్ బ్యాంక్ 6.5 శాతం వడ్డీ
– స్టేట్ బ్యాంక్ ఆఫ్ ఇండియా 6.5 శాతం వడ్డీ
– యూనియన్ బ్యాంక్ 6.7 శాతం వడ్డీ చెల్లిస్తోంది
ప్రైవేట్ సెక్టార్ బ్యాంక్ FD వడ్డీ రేట్లు
ప్రైవేట్ రంగ బ్యాంకుల గురించి మాట్లాడుకుంటే.. యాక్సిస్ బ్యాంక్ ఐదేళ్ల FDలపై 7 శాతం వడ్డీని అందిస్తోంది. బంధన్ బ్యాంక్ 5.85 శాతం వడ్డీని అందిస్తోంది. మరోవైపు, DBS బ్యాంక్ 6.5 శాతం వడ్డీని అందిస్తోంది. డీసీబీ బ్యాంక్ 7.75 శాతం వడ్డీని అందిస్తోంది. HDFC, ICICI, IDFC ఫస్ట్ బ్యాంక్ 7% వడ్డీని ఇస్తున్నాయి. ఇండస్‌ఇండ్ బ్యాంక్ 7.25 శాతం, కోటక్ మహీంద్రా బ్యాంక్ 6.25 శాతం చెల్లిస్తున్నాయి.