Indian Student Dies In US: అమెరికాలో భారతీయ విద్యార్థుల మరణాల కేసులు (Indian Student Dies In US) ఆగే సూచనలు కనిపించడం లేదు. ఒహియో రాష్ట్రంలో మరో భారతీయ విద్యార్థి మృతి చెందాడు. వివిధ కోణాల్లో పోలీసులు దర్యాప్తు చేస్తున్నారు. న్యూయార్క్లోని భారత కాన్సులేట్ జనరల్ శుక్రవారం ఈ విషయాన్ని వెల్లడించారు. ఓహియోలోని క్లీవ్ల్యాండ్లో చదువుతున్న విద్యార్థిని ఉమా సత్యసాయి గద్దెగా గుర్తించారు. న్యూయార్క్లోని భారత కాన్సుల్ జనరల్ సోషల్ మీడియా ప్లాట్ఫామ్ ‘ఎక్స్’లో ఒక పోస్ట్లో.. ఓహియోలోని క్లీవ్ల్యాండ్లో భారతీయ విద్యార్థి ఉమా సత్యసాయి దురదృష్టవశాత్తు మరణించినందుకు తీవ్ర విచారం వ్యక్తం చేశారు.
మృతదేహాన్ని భారత్కు తరలించే సౌకర్యాలతో సహా కుటుంబానికి అన్ని విధాలా సహాయ సహకారాలు అందిస్తున్నామని భారత కాన్సులేట్ జనరల్ హామీ ఇచ్చారు. పోలీసులు ఈ విషయంపై దర్యాప్తు చేస్తున్నారని, భారతదేశంలోని కుటుంబ సభ్యులతో టచ్లో ఉన్నారని రాయబార కార్యాలయం తెలిపింది. సాధ్యమైన అన్ని సహాయాలు అందించబడుతున్నాయని తెలిపారు. ఇందులో విద్యార్థి మృతదేహాన్ని వీలైనంత త్వరగా భారతదేశానికి పంపడం కూడా ఉంది. 2024 ప్రారంభం నుంచి అమెరికాలో తొమ్మిది మంది భారతీయులు, భారతీయ సంతతికి చెందిన విద్యార్థులు మరణించగా, ఇది 10వ కేసు కావడం గమనార్హం.
Also Read: Gold- Silver Prices: బంగారం, వెండి ధరలు పెరగటానికి కారణాలివేనా..?
Deeply saddened by the unfortunate demise of Mr. Uma Satya Sai Gadde, an Indian student in Cleveland, Ohio.
Police investigation is underway. @IndiainNewYork continues to remain in touch with the family in India.
All possible assistance is being extended including to transport…
— India in New York (@IndiainNewYork) April 5, 2024
గత నెల అంటే మార్చిలో ఆంధ్రప్రదేశ్లోని గుంటూరు జిల్లా బుర్రిపాలెంకు చెందిన 20 ఏళ్ల భారతీయ విద్యార్థి అభిజిత్ పరుచూరు అమెరికాలో హత్యకు గురయ్యాడు. అభిజీత్ బోస్టన్ యూనివర్సిటీలో ఇంజనీరింగ్ చదువుతున్నాడు. విద్యార్థి కుటుంబీకులు తెలిపిన వివరాల ప్రకారం.. మార్చి 11న యూనివర్సిటీ క్యాంపస్లో గుర్తుతెలియని వ్యక్తి అతడిని హత్య చేసి మృతదేహాన్ని కారులో అడవిలో వదిలేశారు. స్నేహితుడి ఫిర్యాదు మేరకు, అధికారులు అతని మొబైల్ సిగ్నల్ను అనుసరించడంతో పోలీసులు విద్యార్థి మృతదేహాన్ని కనుగొన్నారు.
We’re now on WhatsApp : Click to Join
అంతేకాకుండా ఈ సంవత్సరం ప్రారంభంలో హైదరాబాద్కు చెందిన సయ్యద్ మజాహిర్ అలీ అనే విద్యార్థి చికాగోలో దారుణంగా దాడి చేయబడి తీవ్రంగా గాయపడ్డాడు. చికాగోలోని భారత కాన్సులేట్ వెంటనే జోక్యం చేసుకుని అలీ, అతని కుటుంబ సభ్యులకు మద్దతునిచ్చింది. ఇండియానాలోని పర్డ్యూ యూనివర్శిటీలో విద్యార్థి నీల్ ఆచార్య మరణం, జార్జియాలో వివేక్ సైనీని దారుణంగా చంపడం, అమెరికాలోని భారతీయ సమాజాన్ని దిగ్భ్రాంతికి గురిచేసింది.