మెగాస్టార్ చిరంజీవి ప్రధాన పాత్రలో కొరటాల శివ దర్శకత్వం వస్తున్న ‘ఆచార్య’ చిత్రం నుంచి ‘శానా కష్టం’ అనే పాటను చిత్ర బృందం యూట్యూబ్ లో రిలీజ్ చేసింది. ఈ ఐటమ్ సాంగ్ లో చిరంజీవి సరసన అందాల భామ రెజీనా కసాండ్రా ఆడిపాడింది. మణిశర్మ సంగీతం అందించగా, భాస్కరభట్ల లిరిక్స్ అందించారు.
‘ఆచార్య’ చిత్రంలో చిరంజీవి సరసన కాజల్ అగర్వాల్ కథానాయిక కాగా, ఓ ముఖ్యపాత్రలో కనిపించనున్న రామ్ చరణ్ కు జోడీగా పూజా హెగ్డే నటించనుంది. కొణిదెల ప్రొ కంపెనీ, మ్యాట్నీ ఎంటర్టయిన్ మెంట్స్ బ్యానర్లపై తెరకెక్కుతున్న ‘ఆచార్య’ చిత్రం ఫిబ్రవరి 4న ప్రేక్షకుల ముందుకు రానుంది.
