KTR’s ‘Birthday Bash’: కేటీఆర్ `బ‌ర్త్ డే` కు గైర్హాజ‌రు, ఉద్యోగుల స‌స్సెండ్‌!

Ktr

మంత్రి కేటీఆర్ బ‌ర్త్ డే కార్య‌క్ర‌మానికి హాజ‌రు కాలేద‌ని న‌లుగ‌రు ఉద్యోగుల్ని సస్సెండ్ చేయ‌డం విచిత్రం. `బ‌ర్త్ డే బాస్` పేరుతో బెల్లంప‌ల్లి ప్ర‌భుత్వ ఆస్ప‌త్రిలో ఫంక్ష‌న్ జ‌రిగింది. ఆ ఫంక్ష‌న్ కు అంద‌రూ హాజ‌రు కావాల‌ని మున్సిప‌ల్ క‌మిష‌న‌ర్ వాట్స్ మెసేజ్ లు పంపారు. కానీ, పౌర‌స‌ర‌ఫ‌రాల‌కు సంబంధించిన న‌లుగురు ఉద్యోగులు గైర్హాజ‌రు అయ్యారు. దీంతో వాళ్ల‌ను స‌స్పెండ్ చేస్తూ క‌మిష‌న‌ర్ లేఖ పంప‌డం సంచ‌ల‌నంగా మారింది. జూలై 24న మంత్రి కేటీఆర్ “పుట్టినరోజు”. ఆ రోజున మున్సిప‌ల్ కౌన్సిల్ ఆధ్వ‌ర్యంలో ఫంక్ష‌న్ జ‌రిగింది. గైర్హాజ‌రైన న‌లుగురు ఉద్యోగుల‌కు మున్సిపల్ కమిషనర్ జూలై 25న నోటీసు జారీ చేశారు. 24 గంటల్లోగా వారు గైర్హాజరు కావడంపై వివరణ ఇవ్వాలని, లేని పక్షంలో వారిపై క్రమశిక్షణా చర్యలు ఉంటాయ‌ని హెచ్చ‌రించారు. ఆయ‌న జారీ చేసిన నోటీసు ఇలా ఉంది. “గౌరవనీయులైన మున్సిపల్ శాఖ మంత్రి శ్రీ కె తారక రామారావు గారి జన్మదిన వేడుకలు 24.07.2022న బెల్లంపల్లి ప్రభుత్వ ఆసుపత్రిలో ఉదయం 10.00 గంటలకు జరిగాయి. కార్యాలయ సిబ్బంది అందరూ హాజరు కావాలని వాట్సాప్ సందేశం ద్వారా తెలియజేశారు. కానీ సందేశాన్ని విస్మరించారు మరియు హాజరు తక్కువగా ఉన్నందున మెమో జారీ చేయబడింది” అని ఉంది.

“ఈ విషయంలో, పైన పేర్కొన్న ఈవెంట్‌కు హాజరు కానందుకు మీపై ఎందుకు చర్య తీసుకోకూడదు. మీరు ఈ మెమోని తీసుకున్న తర్వాత (24) గంటలలోపు దానికి ప్రత్యుత్తరం ఇవ్వవచ్చు. లేకపోతే, మీపై క్రమశిక్షణా చర్యలు తీసుకోబడతాయి. మీరు ఈ మెమో పై స్పందించకపోతే మీ ఉన్నతాధికారులకు తెలియజేస్తాము, ”అని పేర్కొంది. వివరణ ఇవ్వడానికి అవకాశం లేకుండా తొలగించారని సస్పెండ్ అయిన‌ ఉద్యోగులు ఆరోపించారు. మంత్రి జన్మదిన వేడుకలు జాబ్ ప్రోటోకాల్‌లో ఎందుకు భాగమని వాళ్లు ప్ర‌శ్నిస్తున్నారు.

“జులై 24న ప్రిన్స్ కేటీఆర్ జన్మదిన వేడుకలకు ఎందుకు హాజరు కాలేదో వివరించాలని కోరుతూ తెలంగాణ ప్రభుత్వం ఉద్యోగులకు మెమో జారీ చేసింది. తెలంగాణలో ఇప్పటికీ ప్రజలకు సేవ చేయడానికి ఎన్నికైన ప్రభుత్వం ఉందని, రాచరికంగా మారిందని మాకు తెలుసు కేసీఆర్ కుటుంబానికి పెత్తనం? బీజేపీ ఐటీ సెల్ చీఫ్ అమిత్ మాలవీయ ట్వీట్ చేశారు. “రాష్ట్రం వినాశకరమైన వరదలను చూస్తున్నందున తన పుట్టినరోజును జరుపుకోవద్దని కేటీఆర్ రాష్ట్రానికి మరియు పార్టీ కార్యకర్తలకు పిలుపునిచ్చారు. కాబట్టి అతను తన పుట్టినరోజును జరుపుకోలేదు. అమిత్ మాల్వియా మరియు బిజెపి రాజకీయం చేయడానికి ప్రయత్నిస్తున్న ఈ పత్రం మొక్కలు నాటే కార్యక్రమం. ఎందుకంటే, రాష్ట్రానికి పచ్చదనం పెంచడానికి ముఖ్యమంత్రి ప్రారంభించిన మొక్కలు నాటే కార్యక్రమం నిర్వహిస్తోంది. ఈ ప్లాంటేషన్ కార్యక్రమానికి రావాల్సిందిగా బెల్లంపల్లి మున్సిపాలిటీ ఉద్యోగులకు పిలుపునిచ్చింది’’ అని టీఆర్‌ఎస్ అధికార ప్రతినిధి క్రిశాంక్ తెలిపారు.