Telangana: హైదరాబాద్‌తో పాటు తెలంగాణలోని ఇతర జిల్లాల్లోని పాఠశాలలు ఏసుక్రీస్తు జన్మదినాన్ని పురస్కరించుకుని క్రిస్మస్ పండుగ, బాక్సింగ్ డే రెండు రోజు సెలవులు పాటించేందుకు సిద్ధమవుతున్నాయి. తెలంగాణ ప్రభుత్వ కార్యాలయాలు కూడా క్రిస్మస్ మరియు బాక్సింగ్ డేలకు సెలవులు పాటించనున్నాయి. తెలంగాణ రాష్ట్ర పోర్టల్ క్యాలెండర్ 2023 ప్రకారం.. డిసెంబర్ 25, 26 తేదీలలో క్రిస్మస్, బాక్సింగ్ డేలకు సెలవులు ఉంటాయి. ఈ రోజులు ‘సాధారణ సెలవులు’ కింద జాబితా చేయబడ్డాయి. అయితే బ్యాంకులు ఒక్కరోజు మాత్రమే మూతపడనున్నాయి.
కాగా, తెలంగాణ ప్రభుత్వం జనవరి 1న నూతన సంవత్సరం సందర్భంగా సెలవు ప్రకటించింది. హైదరాబాద్ మరియు తెలంగాణలోని ఇతర జిల్లాల్లోని అన్ని పాఠశాలలకు క్రిస్మస్ మరియు బాక్సింగ్ డే సెలవులు ఉన్నప్పటికీ, విద్యా సంస్థ రకాన్ని బట్టి సెలవుల వ్యవధి మారుతూ ఉంటుంది. మిషనరీ పాఠశాలల విషయానికొస్తే, డిసెంబర్ 22 నుండి 26 వరకు ఐదు రోజుల సెలవులు ఉంటాయి.
మరోవైపు, నాన్ మిషనరీ పాఠశాలలకు డిసెంబర్ 25, 26 తేదీలలో సెలవులు ఉంటాయి. తెలంగాణలోని పాఠశాలలతో పాటు, హైదరాబాద్‌లోని బ్యాంకులు డిసెంబర్ 25న క్రిస్మస్ సెలవు ను డిక్లేర్ చేశాయి. ఇందులో ప్రభుత్వ బ్యాంకులు మాత్రమే కాకుండా ప్రైవేట్, ఇతర రకాల బ్యాంకులు కూడా ఉన్నాయి.