Mizoram Mishap: మిజోరంలో క్వారీ కూలి 15 మంది మృతి!

మిజోరంలో, ఈరోజు మధ్యాహ్నం హ్నాథియాల్ జిల్లాలోని మౌదర్ గ్రామ సమీపంలోని ఒక రాతి క్వారీ వద్ద కొండచరియలు విరిగిపడటంతో 15 మంది వ్యక్తులు మరణించారు. 54వ నెంబరు జాతీయ రహదారి విస్తరణ పనులను చేపడుతున్న ఇటుక కంపెనీ కింద పనిచేస్తున్న కార్మికులపై రాతి క్వారీ కూలిపోవడంతో ఈ ప్రమాదం జరిగిందని పోలీసు వర్గాలు తెలిపాయి. శిథిలాల మధ్య కనీసం 15 మంది కార్మికులు చిక్కుకున్నట్లు వారు తెలిపారు.