Fire In School: చైనాలో భారీ అగ్నిప్ర‌మాదం.. 13 మంది మృతి

Safeimagekit Resized Img (2) 11zon

Fire In School: చైనాలోని ఓ స్కూల్ హాస్టల్‌లో ఘోర అగ్నిప్రమాదం (Fire In School) జరిగింది. ఈ ప్రమాదంలో 13 మంది మృతిచెందిన‌ట్లు తెలుస్తోంది. చైనాలోని హెనాన్ ప్రావిన్స్‌లోని పాఠశాల వసతి గృహంలో అగ్ని ప్రమాదం సంభవించి 13 మంది మరణించినట్లు చైనాలో ఓ న్యూస్ ఏజెన్సీ పేర్కొంది. జిన్హువా స్టేట్ న్యూస్ ఏజెన్సీ ఈ మేరకు సమాచారం ఇచ్చింది. ఈ ఘటన సెంట్రల్ చైనాలో చోటుచేసుకుంది. శుక్రవారం రాత్రి చిన్న పిల్లల పాఠశాలలో ఈ ప్రమాదం జరిగినట్లు వార్త‌లు వ‌స్తున్నాయి. ఈ పాఠశాల హెనాన్ ప్రావిన్స్‌లోని యన్‌షాన్‌పు గ్రామంలో ఉంది.

అది ఒక ప్రైవేట్ పాఠశాల అని స‌మాచారం.అందులో నర్సరీ, ప్రైమరీ తరగతుల పిల్లలు చదువుతున్నార‌ని చైనా డైలీని ఉటంకిస్తూ BBC పేర్కొంది. ఈ కేసులో నాన్యాంగ్ నగరానికి సమీపంలో ఉన్న పాఠశాల మేనేజర్‌ను అదుపులోకి తీసుకున్నారు. ప్రమాదంపై దర్యాప్తు చేస్తున్నారు. దాని కారణాలు ఇంకా తెలియరాలేదు. మరో వ్యక్తి ఆసుపత్రిలో చికిత్స పొందుతున్నాడని, అతని పరిస్థితి నిలకడగా ఉందని చెప్పారు.

Also Read: Lord Rama: శ్రీరాముడు ఏ చెట్టుకు పూజలు చేశాడో తెలుసా..? శివ‌య్య‌కు ఏ మొక్క‌ ఇష్ట‌మో తెలుసా..?

అగ్నిప్రమాదానికి సంబంధించి ఇంకా అధికారిక ప్రకటన రాలేదని నివేదికలో పేర్కొంది. మంటలు అదుపులోకి వచ్చాయి. మంటలు చెలరేగిన గంటలోపే అగ్నిమాపక శాఖ మంటలను ఆర్పింది. ఈ సంఘటన వీడియో ఫుటేజ్ కూడా బయటపడిందని నివేదించబడింది. దీనిలో ప్రజలు తమ ప్రాణాలను కాపాడుకోవడానికి కిటికీల నుండి ఎయిర్ కండిషనింగ్ యూనిట్లపైకి ఎక్కడం చూడవచ్చని నివేదిక‌లో పేర్కొన్నారు.

గతంలో కూడా అగ్నిప్రమాదాలు చోటుచేసుకున్నాయి

చైనాలో నిర్లక్ష్యం కారణంగా అగ్ని ప్రమాదాలు జరుగుతూనే ఉన్నాయి. భద్రతా ప్రమాణాల అమలులో అలసత్వం ఇక్కడ కొత్త విషయం కాదు. దీని కారణంగా అగ్ని ప్రమాదాలు జరుగుతూనే ఉన్నాయి. నవంబర్‌లో షాంగ్సీ ప్రావిన్స్‌లోని లులియాంగ్ నగరంలోని కార్యాలయ భవనంలో భారీ అగ్నిప్రమాదం జరిగింది. ఈ ఘటనలో 26 మంది చనిపోయారు. గ‌తేడాది ఏప్రిల్‌లో కూడా పెద్ద ప్రమాదం జరిగింది. బీజింగ్‌లోని ఓ ఆసుపత్రిలో జరిగిన భారీ అగ్నిప్రమాదంలో 29 మంది మరణించారు.

We’re now on WhatsApp. Click to Join.