పెళ్లి అనేది జీవితంలో చాలా ముఖ్యమైన వేడుక. సామాన్యులు కూడా తమ వివాహ వేడుకను ఘనంగా నిర్వహించుకోవాలని భావిస్తుంటారు. చాలా మంది పెళ్లికి భారీగా ఖర్చు పెడుతుంటారు. కొద్ది మంది మాత్రమే పొదుపుగా ఉంటారు. పెళ్లి గురించి అమెరికాలో జరిపిన సర్వేలో ఆశ్చర్యకరమైన విషయాలు వెలుగుచూశాయి.
పెళ్లికి పెద్దగా ఖర్చు చేయని వారు జీవితాంతం కలిసి ఉండే అవకాశాలు ఎక్కువగా ఉంటాయని, విడాకుల శాతం తక్కువగా ఉంటుందని ఓ అధ్యయనం వెల్లడించింది. అమెరికన్ ఎకనామిక్స్ ప్రొఫెసర్లు ఆండ్రూ ఫ్రాన్సిస్ మరియు హ్యూగో మిల్లన్ 3,000 కంటే ఎక్కువ వివాహాలను పరిశీలించి తేల్చిచెప్పారు. వివాహానికి అయ్యే ఖర్చు ఎంత ఎక్కువగా ఉంటే విడాకుల ప్రమాదం అంత ఎక్కువగా ఉంటుందని ఈ పరిశోధకులు తేల్చారు.
నిశ్చితార్థం రోజున వేలి ఉంగరం కోసం 2,000 నుండి 4,000 డాలర్ల వరకు ఖర్చు చేసిన వారికి 500-2000 డాలర్ల మధ్య ఖర్చు చేసిన వారితో పోలిస్తే విడాకుల ప్రమాదం 1.3 రెట్లు ఎక్కువ అని తేలింది. $20,000 కంటే ఎక్కువ ఖర్చు చేసే వారి కంటే $1,000 కంటే తక్కువ ఖర్చు చేసే వారు విడాకులు తీసుకునే అవకాశం తక్కువ. $20,000 కంటే ఎక్కువ ఖర్చు చేసే వారికి విడాకుల ప్రమాదం 1.6 రెట్లు ఎక్కువ. హనీమూన్‌లకు ఖర్చు పెట్టడం వల్ల ఫలితం ఉంటుందని ఈ పరిశోధకులు కనుగొన్నారు. పెళ్లయ్యాక ఎక్కడికైనా వెళ్లే అవకాశం ఉండటంతో భవిష్యత్తులో విడాకుల ముప్పు తగ్గుతుంది.
Also Read: Raghuvaran B.Tech: రఘువరన్ బీటెక్ మళ్లీ వస్తున్నాడు, వందకు పైగా థియేటర్లలో రీ రిలీజ్!