Robberies – Dussehra : దసరాకు ఊరెళ్తున్నారా ? హోం సేఫ్టీ టిప్స్ ఇవీ !

Robberies – Dussehra : దసరా పండుగ సెలవుల వేళ  హైదరాబాద్ మహా నగరం నుంచి ఎంతోమంది తమతమ సొంతూళ్లకు వెళ్తుంటారు. దీంతో సిటీలోని పలు కాలనీలు నిర్మానుష్యంగా మారుతుంటాయి. దీన్ని అదునుగా తీసుకొని.. తాళం వేసి ఉన్న ఇళ్లలో దొంగతనాలు జరిగిన ఘటనలు గతంలో చాలా చోటుచేసుకున్నాయి. ఈనేపథ్యంలో ప్రజలు ఇళ్ల నుంచి వెళ్లే క్రమంలో కొన్ని జాగ్రత్తలు తీసుకోవాలని నగర పోలీసులు సూచిస్తున్నారు.

ఊరెళ్తున్నారా ? పోలీసుల సూచనలివీ.. 

• ఇంటికి సెక్యూరిటీ అలారం, మోషన్‌ సెన్సార్, సెంట్రల్‌ లాక్‌ సిస్టమ్‌ ఉండే తాళం అమర్చుకుంటే మంచిదని పోలీసులు అంటున్నారు.
• ఇంట్లోని సీసీకెమెరా ఫుటేజీని ఆన్‌లైన్‌ ద్వారా ఎప్పటికప్పుడు పరిశీలిస్తుండాలని కోరుతున్నారు.
• బంగారం, వెండి ఆభరణాలు, డబ్బు బ్యాంకు లాకర్లలో ఉంచుకోవడం సురక్షితమని చెబుతున్నారు.
• ఇంటి మెయిన్ గేటుకు తాళం వేసినా కనిపించకుండా పరదాలు అడ్డుగా ఉంచడం బెస్ట్ అని పోలీసులు అభిప్రాయపడుతున్నారు.
• ఇంటి లోపల, బయట కొన్ని లైట్లు వేసి.. గమనించాలని ఇరుగుపొరుగు వారికి చెప్పి వెళ్లాలని అంటున్నారు.
• కార్లు, బైక్ లను ఇంటి కాంపౌండ్ లోనే పార్కింగ్ చేసుకొని, చక్రాలకు గొలుసులతో తాళం వేయడం సేఫ్ అని తెలిపారు.
• అపార్ట్‌మెంట్ల దగ్గర నమ్మకమైన వాచ్‌మెన్‌లనే ఉంచుకోవాలని కోరుతున్నారు.

Also Read: Pawan Kalyan : పవన్ కళ్యాణ్ మళ్లీ రెండు చోట్ల నుండి పోటీ చేయబోతున్నాడా..?