తమిళ చిత్రసీమలో అగ్ర కథానాయకుడిగా వెలిగిన దళపతి విజయ్, ఇప్పుడు రాజకీయ క్షేత్రంలోనూ తన విజయ కేతనాన్ని ఎగురవేశారు. అయితే ఆయన సాధించిన ఈ విజయం వెనుక రెండేళ్ల ముందే ఒక పక్కా వ్యూహం ఉందన్న వార్త ఇప్పుడు సోషల్ మీడియాలో వైరల్ అవుతోంది. విజయ్ రాజకీయాల్లోకి రావడం, 2026 ఎన్నికల్లో సంచలన విజయం సాధించి ప్రభుత్వం ఏర్పాటు చేసే స్థాయికి వెళ్లడం యాదృచ్ఛికం కాదని ఆయన అభిమానులు బలంగా నమ్ముతున్నారు. వెంకట్ ప్రభు దర్శకత్వంలో వచ్చిన ‘GOAT’ (Greatest Of All Time) సినిమాలో విజయ్ ఒక కారును వాడుతుండగా, దాని నంబర్ ప్లేట్పై ‘TN 07 CM 2026’ అని స్పష్టంగా కనిపిస్తుంది. అప్పట్లో అది కేవలం సినిమాలోని ఒక చిన్న అంశంగా భావించినప్పటికీ, నేడు 2026లో ఆయన నిజంగానే ముఖ్యమంత్రి పీఠానికి చేరువ కావడంతో ఆ నంబర్ ప్లేట్ ఇప్పుడు దేశవ్యాప్తంగా హాట్ టాపిక్ అయ్యింది. అంటే, 2026లో తాను ముఖ్యమంత్రి (CM) అవుతానని విజయ్ రెండేళ్ల ముందే ఆ సంఖ్య ద్వారా హింట్ ఇచ్చారని ఫ్యాన్స్ విశ్లేషిస్తున్నారు.
ముందస్తు ప్రణాళికేనా? విజయ్ మాస్టర్ మైండ్!
కేవలం సినిమా ప్రమోషన్ కోసం కాకుండా, తన రాజకీయ లక్ష్యంపై విజయ్ ఎంతటి స్పష్టతతో ఉన్నారో ఈ సంఘటన నిరూపిస్తోందని రాజకీయ విశ్లేషకులు అభిప్రాయపడుతున్నారు. సాధారణంగా తమిళ రాజకీయాల్లో సినిమా ఇమేజ్ అనేది ఓట్లు కురిపించడంలో కీలక పాత్ర పోషిస్తుంది. తన ఆఖరి సినిమాల ద్వారా రాజకీయ సంకేతాలను ప్రజల్లోకి బలంగా పంపి, అదే సమయంలో పార్టీ నిర్మాణాన్ని క్షేత్రస్థాయిలో బలోపేతం చేయడం విజయ్ వ్యూహంలో భాగమని తెలుస్తోంది. ఆ నంబర్ ప్లేట్ ద్వారా తన గమ్యాన్ని అప్పుడే ఫిక్స్ చేసుకున్న విజయ్, అనుకున్నట్లుగానే 2026 ఎన్నికల్లో విజయ్ బావుటా ఎగురవేసి అధికార దిశగా అడుగులు వేస్తున్నారు.
సోషల్ మీడియాలో ట్రెండింగ్ – దళపతి విజన్కు నెటిజన్ల హారతి
ప్రస్తుతం టీవీకే (TVK) పార్టీ ప్రభుత్వం ఏర్పాటు చేసే దిశగా అడుగులు వేస్తుండటంతో, సోషల్ మీడియాలో ‘GOAT’ సినిమా క్లిప్పింగ్స్ ట్రెండ్ అవుతున్నాయి. “విజయ్ ఏదైనా అనుకుంటే అది జరిగి తీరాల్సిందే” అంటూ అభిమానులు పోస్టులు పెడుతున్నారు. తమిళనాడు రాజకీయ చరిత్రలో ఎంజీఆర్, జయలలిత తర్వాత అంతటి స్థాయిలో సినిమా క్రేజ్ను రాజకీయ శక్తిగా మార్చిన ఘనత విజయ్కే దక్కుతుందని నెటిజన్లు కొనియాడుతున్నారు. రెండేళ్ల క్రితం ఒక చిన్న కారు నంబర్ ప్లేట్గా మొదలైన ఆ సంకేతం, నేడు కోట్లాది మంది ప్రజల తీర్పుతో నిజం కావడం నిజంగా ఒక అద్భుతమని రాజకీయ వర్గాలు చర్చించుకుంటున్నాయి.