600 Diamonds Crown : స్వామివారిపై ముస్లిం డ్యాన్సర్ భక్తి.. 600 వజ్రాలతో కిరీటం

600 వజ్రాలతో కూడిన రూబీ కిరీటం విశేషాలను చూస్తే.. దాని బరువు 3,169 క్యారెట్లు(600 Diamonds Crown). దీన్ని పూర్తిగా ఒకే రూబీ రాయితో తయారు చేయించారు. బంగారం పచ్చలతో ఈ కిరీటాన్ని అందంగా అలంకరించారు. దాదాపు గత 200 ఏళ్లలో రంగనాథర్ స్వామికి ఇలాంటి కిరీటాన్ని ఎవరూ సమర్పించలేదని జాకిర్ హుస్సేన్ తెలిపారు. దాదాపు ఎనిమిదేళ్ల పాటు శ్రమించి గోపాల్ దాస్ అనే కళాకారుడు ఈ కిరీటాన్ని రూపొందించాడన్నారు. ‘‘ఈ కిరీటం కోసం వాడిన అరుదైన రూబీని రాజస్థాన్‌లో గుర్తించారు. ఈ తరహా రూబీని వెతకడానికే మాకు దాదాపు మూడేళ్ల టైం పట్టింది. రూబీని నేను తీసుకెళ్లి శిల్పుల టీమ్‌కు అప్పగించాను. కిరీటం తయారు చేసే క్రమంలో రూబీ పగిలితే మాకు సంబంధం లేదు అని వాళ్లు చెప్పారు. అయినా నేను రిస్క్ తీసుకున్నాను. పర్లేదు ఖర్చును భరిస్తాను అని చెప్పాను. నేను రిస్క్ తీసుకున్నందుకు అంతా బాగానే జరిగింది’’ అని జాకిర్ హుస్సేన్ వివరించారు. తన భరతనాట్యం ప్రదర్శనల నుంచి వచ్చిన డబ్బులతోనే ఈ కిరీటాన్ని తయారు చేయించినట్లు తెలిపారు. అయితే కిరీటం ధరను వెల్లడించడానికి జాకిర్ నిరాకరించారు.