Puneeth Death: క‌ర్ణాట‌క‌లో జిమ్‌ల‌కు మార్గ‌ద‌ర్శ‌కాలు జారీ..?

బెంగళూరు: కర్ణాట‌క రాష్ట్రంలో జిమ్‌లు,ఫిట్‌నెస్ సెంట‌ర్‌ల‌కు ఆరోగ్య సంబంధిత అత్య‌వ‌స‌ర ప‌రిస్థితుల‌కు సంబంధిచి మార్గ‌ద‌ర్శ‌కాలు విడుద‌ల‌య్యే అవ‌కాశం ఉన్న‌ట్లు ఆరోగ్య‌శాఖ మంత్రి కె.సుధాక‌ర్ తెలిపారు.కన్నడ సినీ నటుడు పునీత్ రాజ్‌కుమార్ అకాల మరణం తర్వాత జిమ్‌లలో వ్యాయామం చేయడం సురక్షితమేనా అని చాలా మంది త‌న‌ను అడిగార‌ని ఆయ‌న తెలిపారు.ఇలా మ‌ర‌ణిస్తువారు అంతా జిమ్‌లో వ్యాయ‌మం చేయ‌డం వ‌ల్లే అని అనుకోవ‌డం స‌రికాద‌ని ఆయ‌న అన్నారు. రాష్ట్రవ్యాప్తంగా ఉన్న వ్యాయామశాలలు మరియు ఫిట్‌నెస్ సెంటర్‌లకు ప్రఖ్యాత కార్డియాలజిస్టులచే తయారు చేయబడిన సూచ‌న‌ల‌తో కొన‌సాగుతున్నాయ‌ని ఆయ‌న తెలిపారు.అయితే కొత్త మార్గ‌ద‌ర్శ‌కాల్లో జిమ్‌లో ఉపయోగించాల్సిన పరికరాలు, ప్రథమ చికిత్స కావాల్సిన కిట్‌ల‌తో పాటు ఆరోగ్య అత్య‌వ‌స‌ర ప‌రిస్థితుల్లో ఏం చేయాలన్న దానిపై జిమ్ ట్రైన‌ర్‌ల‌కు శిక్ష‌ణ ఇవ్వ‌నున్నారు.  ఈ అంశంపై ప్రముఖ హృద్రోగ నిపుణులు డాక్టర్ వివేక్ జవలి, డాక్టర్ సిఎన్‌తో సహా చర్చించినట్లు మంత్రి తెలిపారు. మంజునాథ్, డాక్టర్ దేవి శెట్టి, డాక్టర్ రంగధామ గత రెండు రోజులుగా దీనిపై చ‌ర్చిస్తున్న‌ట్లు తెలిపారు.డా.

సుధాకర్ దివంగత నటుడు పునీత్ రాజ్‌కుమార్ తో తనకున్న అనుబంధాన్ని గుర్తుచేసుకున్నారు. 15 సంవత్సరాల క్రితం ఇద్దరూ ఒకే జిమ్‌కు వెళ్లేవారని ఆయ‌న తెలిపారు.  పునీత్ రాజ్‌కుమార్ త‌న‌తో చాలా క‌లిసిమెలిసి ఉండేవార‌ని…ఆయ‌న  అకాల మరణం ఆ కుటుంబాన్ని ఛిన్నాభిన్నం చేసిందన్నారు.