Superfast Express Derailed: ఒడిశాలోని కటక్ జిల్లాలో ఆదివారం (మార్చి 30, 2025) ఉదయం 11:54 గంటలకు పెను రైలు ప్రమాదం జరిగింది. బెంగళూరు నుంచి కామాఖ్యాకు వెళ్తున్న బెంగళూరు-కామాఖ్యా ఏసీ సూపర్‌ఫాస్ట్ ఎక్స్‌ప్రెస్ (12551) రైలు ఈస్ట్ కోస్ట్ రైల్వే ఖుర్దా రోడ్ డివిజన్‌లోని కటక్-నేరగుండి రైల్వే సెక్షన్‌లో నేరగుండి స్టేషన్ సమీపంలో అకస్మాత్తుగా పట్టాలు (Superfast Express Derailed) తప్పింది. ఈ ప్రమాదంలో రైలులోని 11 ఏసీ బోగీలు పట్టాలు తప్పాయ. దీంతో ప్రయాణికుల్లో గందరగోళం నెలకొంది. అయితే ఈ ఘటనలో ఎవరూ గాయపడలేదని లేదా ప్రాణనష్టం జరగలేదని అధికారులు తెలిపారు.
హాస్పిటల్ సిబ్బంది, రైల్వే టీమ్ చురుకుగా స్పందన
ప్రమాద సమాచారం అందిన వెంటనే స్థానిక రైల్వే అధికారులు సంఘటనా స్థలానికి చేరుకుని రక్షణ, సహాయ కార్యక్రమాల్లో మునిగారు. రైల్వే ప్రమాద సహాయ బృందం, వైద్య బృందం కూడా సంఘటనా స్థలానికి పంపబడ్డాయి. ఈ రైలులోని ప్రయాణికులను వారి గమ్యస్థానాలకు సురక్షితంగా చేర్చేందుకు చర్యలు తీసుకుంటున్నారు.
#WATCH | Cuttack, Odisha: 11 coaches of 12551 Bangalore-Kamakhya AC Superfast Express derailed near Nergundi Station in Cuttack-Nergundi Railway Section of Khurda Road Division of East Coast Railway at about 11:54 AM today. No injuries or casualties have been reported till now. pic.twitter.com/7GE1DAgpDJ
— ANI (@ANI) March 30, 2025
రైలు మార్గాల్లో మార్పులు
ఈ ప్రమాదం కారణంగా నీలాంచల్ ఎక్స్‌ప్రెస్, ధౌలీ ఎక్స్‌ప్రెస్, పురులియా ఎక్స్‌ప్రెస్ వంటి అనేక రైళ్ల మార్గాలను మార్చారు. ఈ రైళ్లను ప్రత్యామ్నాయ మార్గాల ద్వారా పంపిస్తున్నారు. తద్వారా ప్రయాణికులకు ఎలాంటి అసౌకర్యం కలగకుండా చూస్తున్నారు.
రైల్వే హెల్ప్‌లైన్ నంబర్లు
ప్రయాణికులు.. వారి కుటుంబ సభ్యులకు సమాచారం అందించేందుకు రైల్వే హెల్ప్‌లైన్ నంబర్లను విడుదల చేసింది.
భువనేశ్వర్: 8455885999
కటక్: 8991124238
ఈ నంబర్ల ద్వారా ప్రయాణికుల సమాచారాన్ని తెలుసుకోవచ్చు. ప్రస్తుతం రైల్వే అధికారులు ప్రమాద కారణాలను విచారిస్తున్నారు. త్వరలోనే పూర్తి వివరాలు వెల్లడించే అవకాశం ఉంది. ఈ రైలు సాధారణంగా దీర్ఘ దూర ప్రయాణికులకు సౌకర్యవంతమైన ఎంపికగా ఉంటుంది. కానీ తాజా ప్రమాదం కారణంగా దీని షెడ్యూల్, సర్వీస్‌పై తాత్కాలిక ప్రభావం పడవచ్చు. మరిన్ని వివరాల కోసం రైల్వే అధికారిక ప్రకటనలను గమనించాలి.