Fifth Marriage : రూపర్ట్ మర్దోక్.. అపర కుబేరుడు. ఆయనకు దాదాపు రూ.లక్ష కోట్ల ఆస్తులున్నాయి. ప్రస్తుతం మర్దోక్ వయసు 93 ఏళ్లు. ఈ ఏజ్లోనూ ఆయన పెళ్లిళ్లను ఆపడం లేదు. ఇప్పటికే ఆయనకు నాలుగుసార్లు పెళ్లయింది. ప్రముఖ ఆస్ట్రేలియన్ – అమెరికన్ వ్యాపారవేత్త అయిన మర్దోక్ ఇప్పుడు ఐదో పెళ్లికి(Fifth Marriage) రెడీ అయ్యారట. ఈ ఏడాది జూన్లో ఆయన తన ప్రియురాలు 67 ఏళ్ల ఎలీనా జుకోవాతో ఎంగేజ్మెంట్ చేసుకుంటారని అమెరికా మీడియాలో కథనాలు వస్తున్నాయి. కాలిఫోర్నియాలోని మర్దోక్ ఎస్టేట్లో ఈ పెళ్లి జరుగుతుందట. ఇప్పటికే కొంతమందికి మర్దోక్ ఆహ్వానాలు కూడా పంపారట.
We’re now on WhatsApp. Click to Join
- మర్దోక్కు త్వరలో జరగబోయేది ఐదో పెళ్లి. కానీ ఎంగేజ్మెంట్ మాత్రం ఆరోది.
- గతేడాది ఆన్ లెస్లీ స్మిత్తో మర్దోక్ ఎంగేజ్మెంట్ జరిగినప్పటికీ.. నెల రోజుల్లోనే ఆ బంధానికి తెరపడింది.
- ఆ తర్వాత కొన్ని నెలలకు తన మాజీ భార్యల్లో ఒకరైన విన్డీ డెంగ్ ఇచ్చిన పార్టీలో మర్దోక్కు రష్యాకు చెందిన జుకోవా అనే మహిళ పరిచయమయ్యారు.
- అప్పటి నుంచి జుకోవాతో మర్దోక్ డేటింగ్లో ఉన్నారు. ఈక్రమంలోనే వారి డేటింగ్ ఇప్పుడు మ్యారేజ్గా మారబోతోంది.
- జుకోవా రష్యా నుంచి అమెరికాకు వలస వచ్చారు.
- గతంలో జుకోవాకు రష్యాకు చెందిన ఆయిల్ బిలియనీర్ అలెగ్జాండర్తో పెళ్లయింది. వారికి ఒక కుమార్తె ఉంది.
- మర్దోక్ మొదట ఆస్ట్రేలియాకు చెందిన పాట్రిషియా బుకర్ను పెళ్లాడారు. 1960వ దశకంలోనే వీరి పెళ్లి బంధం ముగిసిపోయింది.
- జర్నలిస్ట్ అన్నా మరియా మన్తో రెండోపెళ్లి.. చైనా వ్యాపారవేత్త విన్డీ డెంగ్తో మూడో పెళ్లి.. అమెరికా మోడల్ జెర్రీ హాల్తో నాలుగో పెళ్లి చేసుకున్నారు. వాళ్లందరికీ మర్దోక్ విడాకులు ఇచ్చేశారు.
- తన రెండో భార్య నుంచి విడిపోయిన సందర్భంలో మర్దోక్ రికార్డు స్థాయిలో రూ.14వేల కోట్ల భరణం చెల్లించారు.
- 1950వ దశకంలో మీడియాలో కెరీర్ను ఆరంభించిన మర్దోక్.. న్యూస్ ఆఫ్ ది వరల్డ్, ది సన్ వార్తా పత్రికలను ప్రారంభించారు.
- అనంతర కాలంలో ఆయన ఆస్ట్రేలియా నుంచి అమెరికాకు వచ్చి సెటిల్ అయ్యారు.
- అమెరికాలోని న్యూయార్క్ పోస్ట్, వాల్ స్ట్రీట్ జర్నల్లను మర్దోక్ కొనేశారు.
- 1996లో ఫాక్స్ న్యూస్ను మర్దోక్ ప్రారంభించారు.
- 2013లో న్యూస్కార్ప్ను స్థాపించారు.
- 2011 సంవత్సరంలో ఫోన్ హ్యాకింగ్ కుంభకోణం కారణంగా న్యూస్ ఆఫ్ ది వరల్డ్ పత్రికను ఆయన మూసేశారు.
- గతేడాది సెప్టెంబరులోనే మర్దోక్ తన వ్యాపార సామ్రాజ్యాన్ని కుమారులకు అప్పగించారు.