మామూలుగా టమోటాని అందానికి సంబంధించిన సమస్యలను పోగొట్టుకోవడం కోసం కూడా ఉపయోగిస్తూ ఉంటారు. టమోటాని ఉపయోగించి రకరకాల ఫేస్ ప్యాక్స్ కూడా ట్రై చేస్తూ ఉంటారు. చర్మ సమస్యలను తొలగించడంలో కూడా టమోటాలు ఎంతో ఎఫెక్టివ్ గా పని చేస్తాయి.కాగా టమాటాల్లో లైకోపీన్ పుష్కలంగా ఉంటుందట. ఇదే చర్మ సమస్యలను తగ్గిస్తుందట. కాగా టమాటాలను ముఖానికి రోజూ ఉపయోగించడం వల్ల చర్మంలోని మొండి నల్ల మచ్చలు పూర్తిగా పోతాయట. అలాగే స్కిన్ టోన్ కూడా మెరుగుపడుతుందని, అలాగే మీ ముఖం ఎప్పుడూ తాజాగా, కాంతివంతంగా మెసిరిపోతుందని చెబుతున్నారు.
అందుకోసం టమోటాలను ఎలా ఉపయోగించాలో ఇప్పుడు మనం తెలుసుకుందాం.. టమాటా, కాఫీ స్క్రబ్ మీ ముఖాన్ని అందంగా మార్చడానికి సహాయపడుతుందట. ఈ కాంబినేషన్ డెడ్ స్కిన్ ను వదిలించుకోవడానికి బాగా ఉపయోగపడుతుందట. అయితే ఈ స్క్రబ్ ను తయారు చేయడానికి ముందుగా ఒక టమాటాను సగానికి కట్ చేసి అర చెంచా కాఫీ పౌడర్, అరచెంచా పంచదారను టమాటా సగభాగంలో వేయాలి. ఆ టమాటాను మీ చర్మంపై 10 నిమిషాల పాటు సున్నితంగా రుద్దాలి. ఈ స్క్రబ్ డెడ్ స్కిన్ ను పూర్తిగా తొలగించి, టానింగ్, డార్క్ స్పాట్స్ ను కూడా తగ్గించడానికి సహాయపడుతుందట. కొద్ది సేపటి తర్వాత ముఖాన్ని నార్మల్ వాటర్ తో కడిగేస్తే మంచి ఫలితాలు కనిపిస్తాయట.
టమాటా, అలొవేరా జెల్ తో కూడా మీరు చర్మ సమస్యలను తగ్గించుకోవచ్చని చెబుతున్నారు. ముఖంపై మొండి నల్ల మచ్చలు పోవడానికి సగం టామాటా మీద ఒక స్పూన్ కలబంద జెల్ ను వేసి, మీ ముఖానికి సున్నితంగా కొద్దిసేపు మసాజ్ చేయాలట. ఇది మీ ముఖ చర్మాన్ని చల్లగా చేస్తుందని, అలాగే మీ చర్మాన్ని హైడ్రేట్ గా చేస్తుందని చెబుతున్నారు. టమాటా, పసుపు కూడా స్కిన్ పై ఒక్క మచ్చ లేకుండా చేస్తుందట. అయితే ఇందుకోసం అర టీస్పూన్ పసుపు తీసుకుని సగం టమాటా ముక్కలో వేసి కలిపి మీ ముఖంపై సున్నితంగా మసాజ్ చేయాలట. 10 నిమిషాల తర్వాత నార్మల్ వాటర్ తో ముఖాన్ని శుభ్రంగా కడగాలి. ఇది ముఖంపై పేరుకుపోయిన మురికిని తొలగిస్తుందట. అలాగే చర్మశుద్ధి చేస్తుందట. అలాగే మృత కణాలను ముఖంపై లేకుండా పోగొడుతుందని, కొన్ని వారాల పాటు ఇలా చేస్తే మీ ముఖంపై ఒక్క మచ్చ కూడా ఉండదని చెబుతున్నారు.