Chicken 65: చికెన్ 65 ఇష్టంగా తింటున్నారా? అయితే దానికి ఆ పేరు ఎలా వ‌చ్చిందో తెలుసా?

Chicken 65: భారతదేశంలో మీకు నోరూరించే అనేక ఆహార పదార్థాలు కనిపిస్తాయి. వాటిలో ఒకటి చికెన్ 65 (Chicken 65). మసాలాగా, క్రిస్పీగా, సువాసనతో కూడిన అత్యంత రుచికరమైన, ప్రత్యేకమైన ఈ చికెన్ వంటకం ఇప్పుడు భారతదేశానికే పరిమితం కాకుండా దేశవ్యాప్తంగా, విదేశాలలో కూడా ప్రాచుర్యం పొందింది. ఇది ఎందుకు అంత ప్రత్యేకమైనది. దీనికి ఆ పేరు ఎలా వచ్చిందో తెలుసుకోవాలనే ఆసక్తి చాలా మందికి ఉంటుంది. సరే దీనికి ఆ పేరు ఎలా వచ్చింది? దీనిని ఎలా తయారు చేస్తారు అనే కథనాన్ని ఇప్పుడు తెలుసుకుందాం.

దీనికి ఆ పేరు ఎలా వచ్చింది?

దీనికి చికెన్ 65 అనే పేరు ఎలా వచ్చిందనే విషయం వెనుక ఒక ఆసక్తికరమైన కథనం ఉంది. వంటకం మూలం చెన్నైలో ఉంది. 1965లో అక్కడ ఉన్న ఒక ప్రసిద్ధ హోటల్ అయిన బుహారీ దీనిని మొదటిసారిగా తమ మెనూలో ఉంచింది. అప్పటి నుండి నేటి వరకు ఈ వంటకం పేరుతో పాటు దాని రుచి కూడా చర్చనీయాంశంగా ఉంది. అందుకే ఈ పేరు వచ్చిందని ఒక సిద్ధాంతం చెబుతుంది.

Also Read: Bank Holidays: బ్యాంకు వినియోగ‌దారుల‌కు అల‌ర్ట్‌.. మొత్తం 10 రోజుల సెల‌వులు!

మరొక సిద్ధాంతం ప్రకారం.. హోటల్ మెనూలో ఈ వంటకం 65వ నంబర్‌లో ఉండేది. అందుకే దీనిని చికెన్ 65 అని పిలవడం మొదలుపెట్టారు. 65 రకాల మసాలాలు లేదా 65 పచ్చిమిర్చి వేసేవారని కొందరు నమ్ముతారు. అయితే ఈ వాదన సరైనది కాదని భావిస్తున్నారు. కాలక్రమేణా ఈ వంటకంలో అనేక రకాలు (వెర్షన్లు) వచ్చాయి. నేడు మీరు రెస్టారెంట్లలో బోన్‌లెస్ చికెన్ 65, గ్రేవీ చికెన్ 65, శాఖాహారుల కోసం పనీర్ 65 లేదా గోబీ 65 వంటి వాటిని కూడా చూడవచ్చు.

దీనిని ఎలా తయారు చేస్తారు?

దీని తయారీ విధానం కూడా చాలా ప్రత్యేకంగా ఉంటుంది. ముందుగా చికెన్‌ను చిన్న ముక్కలుగా కట్ చేసి, పెరుగు, మసాలాలలో మ్యారినేట్ చేస్తారు. ఇందులో అల్లం-వెల్లుల్లి పేస్ట్, కారం పొడి, పసుపు, జీలకర్ర, మిరియాలు వంటి మసాలాలు కలుపుతారు. చికెన్ వేయించిన తర్వాత మరింత క్రిస్పీగా మారడానికి కొందరు దీనిలో కార్న్‌ఫ్లోర్ లేదా బియ్యం పిండిని కూడా కలుపుతారు. తర్వాత ఈ ముక్కలను వేడి నూనెలో డీప్ ఫ్రై చేస్తారు. చికెన్ ముక్కలు బంగారు రంగులోకి మారి, బయట క్రిస్పీగా మారిన తర్వాత కరివేపాకు, పచ్చిమిర్చి, అప్పుడప్పుడు నిమ్మరసం వేసి తడ్కా పెడతారు. ఈ తడ్కాయే చికెన్ 65ను మరింత ప్రత్యేకంగా మారుస్తుంది.