Tech Tips : స్మార్ట్‌ఫోన్ (Smartphone) వాడకం పెరుగుతున్నకొద్దీ నెట్‌వర్క్ సమస్యలు కూడా తరచుగా ఎదురవుతున్నాయి. కాల్‌ మధ్యలో కట్ అవ్వడం, ఇంటర్నెట్ వేగం తగ్గిపోవడం, వీడియోలు స్టక్ అవ్వడం వంటి సమస్యలు సాధారణంగా సిగ్నల్ బలహీనంగా ఉండటమే కారణం. కొన్ని సందర్భాల్లో ప్రదేశం, వాతావరణ పరిస్థితులు లేదా సిమ్ కార్డ్ సమస్యల వల్ల కూడా నెట్‌వర్క్ సమస్యలు తలెత్తుతాయి. అయితే సరైన జాగ్రత్తలు, కొన్ని సులభమైన చిట్కాలు పాటిస్తే ఈ సమస్యల్ని తక్కువ సమయంలోనే అధిగమించవచ్చు.
1. ప్రదేశం మార్చడం – సిగ్నల్ బలం కోసం తొలి అడుగు
మీరు భూగర్భ గదులు, ఎలివేటర్ లేదా మందమైన గోడలతో కూడిన ప్రదేశాల్లో ఉంటే నెట్‌వర్క్ సిగ్నల్ చాలా బలహీనంగా ఉంటుంది. ఈ సమయంలో కిటికీ దగ్గరకి, బాల్కనీకి లేదా ఓపెన్ ప్రదేశానికి వెళ్లడం ద్వారా సిగ్నల్ బలం పెరుగుతుంది. ముఖ్యంగా కొండ ప్రాంతాలు లేదా దూరప్రాంతాల్లో ప్రయాణిస్తున్నప్పుడు ఫోన్‌ను ఓపెన్ ప్రదేశంలో ఉంచడం మంచిది.
2. ఫోన్‌ను రీస్టార్ట్ చేయడం – సులభమైన పరిష్కారం
చాలాసార్లు ఫోన్‌ను రీస్టార్ట్ చేయడం ద్వారా చిన్నచిన్న సాఫ్ట్‌వేర్ సమస్యలు పరిష్కారం అవుతాయి. ఫోన్‌ను ఆఫ్ చేసి, కొన్ని సెకన్ల తర్వాత మళ్లీ ఆన్ చేస్తే సిగ్నల్ రిఫ్రెష్ అవుతుంది. దీని వలన నెట్‌వర్క్‌కు మళ్లీ కనెక్ట్ అయ్యే అవకాశం పెరుగుతుంది.
3. ఎయిర్‌ప్లేన్ మోడ్ – తక్షణ పరిష్కారం
సిగ్నల్ సమస్యలు ఉన్నప్పుడు ఎయిర్‌ప్లేన్ మోడ్‌ను 10-15 సెకన్లు ఆన్ చేసి ఆ తర్వాత ఆఫ్ చేస్తే, ఫోన్ కొత్త నెట్‌వర్క్ టవర్‌లను వెతుకుతుంది. దీని వలన సిగ్నల్ బలం పెరగడం సాధ్యం అవుతుంది. ఇది చాలామంది ఉపయోగించే సులభమైన పద్ధతి.
4. మొబైల్ కవర్ ప్రభావం
కొన్ని కఠినమైన మొబైల్ కవర్స్ సిగ్నల్ రిసెప్షన్‌కు అడ్డంకులు కలిగిస్తాయి. ముఖ్యంగా నెట్‌వర్క్ బలహీనంగా ఉన్న ప్రాంతాల్లో మొబైల్ కవర్‌ను తీసేసి ట్రై చేయడం ఉత్తమం.
5. సిమ్ కార్డ్ తనిఖీ – మార్పు
నెట్‌వర్క్ సమస్య కొనసాగితే సిమ్ కార్డ్‌ను తీయి శుభ్రం చేసి మళ్లీ అమర్చాలి. పాత సిమ్ లేదా దెబ్బతిన్న సిమ్ సిగ్నల్ సమస్యలకు కారణం అవుతుంది. అవసరమైతే టెలికాం ఆపరేటర్ వద్ద కొత్త సిమ్ తీసుకోవాలి.
6. సాఫ్ట్‌వేర్ అప్‌డేట్‌లు – నెట్‌వర్క్ మెరుగుదలకు అవసరం
మొబైల్ కంపెనీలు నెట్‌వర్క్ సమస్యల పరిష్కారానికి అనేక సాఫ్ట్‌వేర్ అప్‌డేట్‌లు విడుదల చేస్తుంటాయి. ఫోన్ సెట్టింగ్స్‌లో అప్‌డేట్‌లు లభ్యమవుతున్నాయో లేదో పరిశీలించి, తాజా వెర్షన్‌ను ఇన్‌స్టాల్ చేయాలి.
7. ఇతర సూచనలు
మీ ఫోన్‌లో డ్యూయల్ సిమ్ ఉంటే, సిగ్నల్ బలహీనంగా ఉన్న సిమ్‌ను ఆఫ్ చేసి ట్రై చేయండి. మీ టెలికాం ప్రొవైడర్‌కి సమస్య వివరించి నెట్‌వర్క్ టవర్ బలం గురించి తెలుసుకోండి. చాలా దూర ప్రాంతాల్లో నెట్‌వర్క్ లేకపోతే పోర్టబుల్ సిగ్నల్ బూస్టర్లను ఉపయోగించడం కూడా ప్రయోజనకరం.
Supreme Court : కల్నల్ సోఫియా ఖురేషిపై వివాదాస్పద వ్యాఖ్యల కేసు.. మంత్రి విజయ్ షా‌కు ఊరట