Morning Coffee: ఉదయాన్నే కాఫీ తాగుతున్నారా ? ఈ సమస్యలు ముసురుకోవచ్చు!!

Black Coffee

చాలామందికి ఉదయం నిద్ర లేవగానే అలసటగా, నీరసంగా అనిపిస్తుంటుంది. ఇలాంటప్పుడు చాలా మంది నిద్ర మబ్బు నుంచి బయటకు రావడానికి ఉదయాన్నే కాఫీని తీసుకుంటారు. ప్రజలు ఒక సిప్ కాఫీ తాగిన వెంటనే చాలా ఫ్రెష్ గా ఫీలవుతారు. కాఫీ లేకుండా ఉదయం పూర్తికాని వారు చాలా మంది ఉంటారు.  మీరు కూడా అలాంటి వారిలో ఒకరు అయితే.. మీరు మీ ఆరోగ్యంతో ఆడుకుంటున్నారని వైద్య నిపుణులు హెచ్చరిస్తున్నారు.
ఉదయాన్నే ఖాళీ కడుపుతో కాఫీ తాగడం వల్ల మీకు చాలా హాని జరుగుతుందని చెబుతున్నారు.. అది ఎలాగో ఇప్పుడు తెలుసుకుందాం?

ఖాళీ కడుపుతో కాఫీ ఎందుకు తాగకూడదు?

ఉదయం పూట ఖాళీ కడుపుతో కాఫీ ఎందుకు తాగకూడదు అనే దానికి అనేక బలమైన కారణాలు ఉన్నాయి. ముఖ్యంగా మహిళలు ఖాళీ కడుపుతో కాఫీ తాగడం మానుకోవాలి. దీనికి మొదటి కారణం ఉదయం పూట ఖాళీ కడుపుతో కాఫీ తీసుకోవడం వల్ల శరీరంలో కార్టిసాల్ హార్మోన్ (స్ట్రెస్ హార్మోన్) స్థాయి పెరుగుతుంది. ఇది అండోత్సర్గము, బరువు , హార్మోన్లపై చెడు ప్రభావాన్ని చూపుతుంది.  హార్మోన్లపై ఒత్తిడి ఉదయం ఎక్కువగా ఉంటుంది మరియు సాయంత్రం తక్కువగా ఉంటుంది.
అటువంటి పరిస్థితిలో.. మీరు ఉదయాన్నే కెఫీన్ తీసు కున్నప్పుడు, కార్టిసాల్ స్థాయి పెరిగి పోతుంది. కార్టిసాల్ హార్మోన్ మన శరీరానికి చాలా ఉపయోగకరంగా పరిగణించ బడుతుంది. కానీ మీరు ఒత్తిడిలో ఉన్నప్పుడు, కార్టిసాల్ హార్మోన్ ఉత్పత్తి పెరగడం ప్రారంభ మవుతుంది. ఇది మీ రక్తంలో చక్కెర స్థాయిని పెంచుతుంది. ఇది ఇన్సులిన్ హార్మోన్ను పెంచుతుంది.  అధిక స్థాయి కార్టిసాల్ బరువు పెరగడానికి , నిద్ర సమస్యలకు కూడా దారితీస్తుంది.

కాఫీకి బదులుగా ఉదయం ఖాళీ కడుపుతో ఏం తాగాలి?

మీరు ఉదయం నిద్రలేచిన వెంటనే ఖాళీ కడుపుతో నీరు తాగడం వల్ల చాలా ఉపయోగకరంగా ఉంటుంది. పగటిపూట, మీరు మేల్కొని ఉన్నప్పుడు, మీరు నీటిని తీసుకుంటారు. కానీ రాత్రి నిద్రించిన తర్వాత.. నిద్రలో దాహం లేకపోవడం వల్ల, శరీరంలో నీటి కొరత ఏర్పడుతుంది. అటువంటి పరిస్థితిలో, మీరు నీటిని తీసుకోవడం అవసరం. మీరు ఉదయాన్నే 2 నుండి 3 గ్లాసుల నీటిని తీసుకోవడం చాలా అవసరం. నీరు త్రాగిన తర్వాత.. కాఫీ లేదా టీ ఏదైనా తీసుకోవచ్చు.  ఉదయం నిద్రలేచిన వెంటనే సాధారణ నీటిని తాగే అలవాటు మీకు లేకుంటే.. నీటిలో కొద్దిగా నిమ్మరసం, తేనె కలుపుకుని తాగవచ్చు. ఉదయాన్నే లెమన్ వాటర్ తీసుకోవడం వల్ల బరువు తగ్గడంతోపాటు రోజంతా తాజా అనుభూతి ఉంటుంది.