‎Face Glow: మీ ముఖం కాంతివంతంగా మెరిసిపోవాలా.. అయితే ఇది ఒక్కటి రాస్తే చాలు!

‎Face Glow: ముఖం అందంగా కనిపించడం కోసం, కాంతివంతంగా మెరిసిపోవడం కోసం చాలామంది ఎన్నెన్నో బ్యూటీ ప్రోడక్ట్ లు ఉపయోగిస్తూ ఉంటారు. అయితే వాటితో పని లేకుండా ఇంట్లో అందుబాటులో ఉన్న పదార్థాలతో చేసే ఫేస్ ట్రీట్మెంట్ చేయించుకోవచ్చట. ఈ చికిత్స చర్మాన్ని శుభ్రపరచడమే కాకుండా, సహజ కాంతిని తెస్తుందని చెబుతున్నారు. అందుకోసం బంగాళాదుంప బాగా ఉపయోగపడుతుందట. బంగాళదుంపను వాడి అందాన్ని రెట్టింపు చేసుకోవచ్చని చెబుతున్నారు. అందమైన, కాంతివంతమైన చర్మం పొందాలనే కోరిక అందరిలోనూ ఉంటుంది.
‎
‎దాని కోసమే దాదాపు అందరూ ఖరీదైన క్రీములు, సీరమ్స్ వాడుతూ ఉంటారు. కానీ ఈ రసాయనాలు ఉండే ఉత్పత్తులు వాడటం వల్ల స్కిన్ ఎక్కువగా డ్యామేజ్ అయ్యే అవకాశం ఎక్కువగా ఉంటుందట. కానీ వంట గదిలో లభించే సహజ పదార్థాలతో మన అందాన్ని రెట్టింపు చేసుకోవచ్చట. అది ఎలాగో ఇప్పుడు మనం తెలుసుకుందాం.. బంగాళదుంప రసం, నిమ్మరసం కలయిక పిగ్మెంటేషన్, నల్లమచ్చలను తొలగించడంలో అద్భుతంగా పని చేస్తుందట. కాఫీ పొడి, సెనగ పిండి చర్మంలోని మృత కణాలను తొలగించి చర్మాన్ని శుభ్రం చేస్తాయి. ఈ రెండూ కలిపి ముఖానికి రాస్తే చాలా తక్కువ సమయంలోనే ముఖం మెరుస్తూ కనపడుతుందట.
‎
‎ అదేవిధంగా పెరుగు, కొబ్బరి నూనె చర్మానికి తీవ్ర హైడ్రేషన్‌ ను అందిస్తూ కణాలను పునరుద్ధరిస్తాయట. ముఖ్యంగా చలికాలంలో వచ్చే స్కిన్ సమస్యలకు చెక్ పెడతాయని చెబుతున్నారు. ఒక చిన్న గిన్నెలో బంగాళదుంప రసం, నిమ్మరసం, పెరుగు, కొబ్బరి నూనె, కాఫీ, సెనగ పిండి వేసి బాగా కలుపుకోవాలి. ఈ మిశ్రమాన్ని ముఖానికి అప్లై చేయాలి. దానికంటే ముందు ఒకసారి ముఖాన్ని నీటితో శుభ్రం చేసుకోవాలట. ఈ మిశ్రమాన్ని ముఖానికి రాసిన తర్వాత 15 నిమిషాల తర్వాత నీటితో శుభ్రం చేసుకుంటే సరిపోతుందని, వారానికి రెండుసార్లు దీనిని వాడటం వల్ల మీ అందం రెట్టింపు అవుతుందని మీరు యవ్వనంగా కూడా కనపడతారని చెబుతున్నారు నిపుణులు.