Alert: ఆచార్య చాణక్యుని గొప్ప ఆర్థికవేత్త, మంచి ఫిలాసఫర్ కూడా. జీవితానుభవం ఆధారంగా ఆయన అనుసరించిన విషయాలను సాధారణ ప్రజలలో పంచుకున్నాడు,. తద్వారా ఒక వ్యక్తి సంతోషంగా జీవించగలడు. చాణక్యుడు ప్రతి రంగంలో తన జ్ఞానాన్ని అందించాడు. మీ జీవితంలో చాణక్యుడి విధానాలను అవలంబించడం ద్వారా అనేక సమస్యల నుంచి బయటపడవచ్చు. జీవితంలో మంచి ప్రతిష్టను పొందవచ్చు. అయితే పురుషులు ఈ విషయాలను గోప్యంగా ఉంచాలి.
మనమందరం సోషల్ లైఫ్ లో ఉన్నాం. అందువల్ల ప్రతి వ్యక్తి తన కుటుంబంలోనే కాకుండా సమాజంలో కూడా తన గౌరవాన్ని కాపాడుకోవడం చాలా ముఖ్యం. కుటుంబ వివాదాలు లేదా ఇంటికి సంబంధించిన ఏదైనా విషయం గురించి పురుషులు ఎప్పుడూ బయటి వ్యక్తులకు చెప్పకూడదు. దీనితో పాటు మీ భార్యపై కోపంగా ఉన్న తర్వాత ఆమె స్వభావం, ప్రవర్తన లేదా అలవాట్ల గురించి ఎవరికీ చెప్పకండి. మీరు ఈ విషయాలను పంచుకుంటే ఆ క్షణంలో ఏమీ జరగకపోవచ్చు. కానీ అనవసరంగా ఇతరుల్లో చులకనగా మారుతారు.
మీరు ఎప్పుడైనా ఏదైనా విషయం గురించి అవమానించినట్లయితే అలాంటి విషయాలను ఎవరితోనూ సరదాగా పంచుకోకండి. సాధారణంగా ఇలాంటివి సరదాగా తమ సన్నిహితులకు చెబుతుంటారు. అయితే ఇలాంటి విషయాలను ఎంత గోప్యంగా ఉంచితే అంత మంచిది. నేటి కాలంలో డబ్బు ప్రతి వ్యక్తికి అవసరం. అందువల్ల, మీ ఆర్థిక పరిస్థితి లేదా డబ్బు సంబంధిత సమస్యలను ఎవరికీ చెప్పకండి. ఇలా చేయడం వల్ల సమాజంలో మీ గౌరవం తగ్గిపోతుంది.