టీతో రోజు ప్రారంభం కాని ఇల్లు చాలా తక్కువ. మసాలా టీ, ఇరానీ టీ, బ్లాక్ టీ, గ్రీన్ టీ, మరేదైనా టీ, ఇలా చాలా మందికి టీ అంటే చాలా ఇష్టం. ఈ రోజు అంతర్జాతీయ టీ దినోత్సవం. ఈ రోజున అంటే మే 21వ తేదీన ప్రపంచవ్యాప్తంగా అంతర్జాతీయ టీ దినోత్సవాన్ని జరుపుకుంటారు. గతంలో డిసెంబరు 15న టీ డే జరుపుకునేవారు, తర్వాత మే 21న జరుపుకోవడం ప్రారంభించారు. అంతర్జాతీయ టీ దినోత్సవం చరిత్ర, ప్రాముఖ్యత గురించి తెలుసుకుందాం.
అంతర్జాతీయ టీ దినోత్సవం చరిత్ర
అంతర్జాతీయ టీ దినోత్సవాన్ని 2005 నుండి జరుపుకుంటున్నారు. పూర్వం తేయాకు రైతులు డిసెంబర్ 15న జరుపుకునేవారు. కానీ 2015 సంవత్సరంలో, ఐక్యరాజ్యసమితి ఫుడ్ అండ్ అగ్రికల్చర్ ఆర్గనైజేషన్ ద్వారా, అంతర్జాతీయ టీ దినోత్సవాన్ని అధికారికంగా జరుపుకోవాలనే ప్రతిపాదన ఐక్యరాజ్యసమితిలో ఉంచారు. 21 డిసెంబర్ 2019న ప్రతీ ఏటా మే 21న అంతర్జాతీయ టీ దినోత్సవం జరుపుకోవాలని గుర్తించారు. ఆ తర్వాత 2020 మే 21న మొదటిసారిగా అంతర్జాతీయ టీ దినోత్సవాన్ని జరుపుకున్నారు. అప్పటి నుంచి మే 21న అంతర్జాతీయ టీ దినోత్సవాన్ని జరుపుకుంటున్నారు.
చాయ్ పట్ల మనకున్న ఇష్టం అంతా ఇంతా కాదు. ఈ ప్రత్యేకమైన రోజున, వెరైటీ టీ రుచులను ఆస్వాదిద్దాం…
వెనీలా టీ :
వెనిలా టీ ఈ మధ్య కాలంలో అత్యంత ప్రజాదరణ పొందుతోంది. వెనీలా ఫ్లేవర్ తో కూడిన ఈ టీ ఒక రుచికరమైన ట్విస్ట్‌ను అందిస్తుంది.
ఈ టీకి కావలసిన పదార్థాలు:
ఫ్రెంచ్ వెనిల్లా రుచిగల క్రీమర్
టీ పొడి
పొడి చేసిన దాల్చినచెక్క
గ్రౌండ్ లవంగాలు
జాజికాయ
పాలు, నీరు, చక్కెర
అల్లం పుదీనా టీ:
అల్లం టీలో పుదీనా కలపడం వల్ల అది మరింత రిఫ్రెష్ అవుతుంది. అల్లం-పుదీనా టీ రుచిగా ఉండటమే కాదు, ఔషధ గుణాలను కూడా కలిగి ఉంటుంది. ఈ టీ ఉబ్బసం తగ్గించడానికి, ఆరోగ్యకరమైన జీర్ణక్రియను ప్రోత్సహించడానికి, మీ రోగనిరోధక శక్తిని పెంచడానికి మీకు సహాయపడుతుంది.
అల్లం పుదీనా చాయ్ కోసం కావాల్సిన పదార్థాలు:
పుదీనా ఆకులు
తురిమిన అల్లం
టీ పొడి, ఆకులు లేదా సంచులు
పాలు, నీరు మరియు చక్కెర
కారమెల్ టీ
కారమెల్ టేస్ట్ చాలా మందికి ఇష్టమైనది. కారమెల్ , బ్లాక్ టీ ప్రత్యేకమైన బ్లెండ్ మంచి టీ టేస్ట్ ను అందిస్తుంది. ఈ టీ కి క్రీమ్‌ను జోడిస్తే మరింత టేస్ట్ వస్తుంది.
ఈ టీకి కావలసిన పదార్థాలు:
బ్లాక్ టీ ఆకులు లేదా టీ బ్యాగ్స్
పంచదార పాకం
దాల్చిన చెక్క
ఏలకులు
లవంగాలు
మిరియాల పొడి
అల్లం చూర్ణం
పాలు, నీరు, చక్కెర
డిటాక్స్ టీ
ఈ రోజుల్లో, చాలా మంది ఆరోగ్య సమస్యలను నివారించడానికి డిటాక్స్ టీ తాగుతున్నారు. బ్లాక్ టీ మంటను తగ్గించడానికి మరియు కాలానుగుణ మార్పుల వల్ల కలిగే శరీర నొప్పులను తగ్గించడంలో సహాయపడుతుంది.
కావలసినవి:
తులసి
లవంగం
నల్ల మిరియాలు
బ్లాక్ టీ ఆకులు లేదా సంచులు
కల్లు ఉప్పు
ఇంగువ
నీరు