Refrigerator : గతంలో ఫ్రిజ్ వాడకం తక్కువగా ఉన్నప్పటికీ, ఇప్పుడు దాదాపు ప్రతి ఇంట్లోనూ ఫ్రిజ్ ఒక ముఖ్యమైన గృహోపకరణం. ఆహార పదార్థాలను తాజాగా, సురక్షితంగా ఉంచడంలో ఇది కీలకపాత్ర పోషిస్తుంది. కానీ, ఫ్రిజ్‌ను సరైన పద్ధతిలో చూసుకోకపోతే, అది కేవలం విద్యుత్ బిల్లు పెరగడానికి మాత్రమే కాకుండా, అనేక నష్టాలకు దారితీస్తుంది. ఫ్రిజ్ జీవితకాలం, పనితీరును నిర్ధారించడానికి దానిలోని ముఖ్య భాగాలైన కంప్రెషర్, గ్యాస్ ఫిల్లింగ్ గురించి సరైన అవగాహన ఉండాలి.ఎందుకంటే రిఫ్రిజిరేటర్ కు అదే కీలకం. వాటివల్లే కూలింగ్, ఫ్రిజ్ పనితీరు ఆధార పడి ఉంటుంది. ఆ రెండు సరిగా లేకపోతే కూలింగ్ అనేది కాదు. అందులోని పధార్థాలు చెడిపోవడానికి ఆస్కారం ఉంటుంది.
ఎలా చెక్ చేయాలి?
ఫ్రిజ్‌లోని గ్యాస్ ఫిల్లింగ్, కంప్రెషర్ పనితీరును నిర్లక్ష్యం చేస్తే, దాని పనితీరు క్రమంగా తగ్గుతుంది. గ్యాస్ లీక్ అయితే, ఆహారం చల్లగా ఉండదు, పాడుపడుతుంది. అలాంటప్పుడు, గ్యాస్ మళ్ళీ నింపించడం అవసరం. కంప్రెషర్ పని చేయకపోతే, ఫ్రిజ్ పూర్తిగా ఆగిపోతుంది.ఈ రెండింటిని సకాలంలో సరిచేయకపోతే, దానివల్ల కొన్ని నష్టాలు తప్పవు. అందుకు తగిన జాగ్రత్తలు పాటించాలి.
Priyamani : బాలీవుడ్‌లో కలర్ బైయాస్‌పై ప్రియమణి ధీటైన స్పందన
మొదటగా, ఫ్రిజ్ లోపల చల్లదనం తగ్గి, ఆహార పదార్థాలు త్వరగా పాడైపోతాయి. ఇది కుటుంబ ఆరోగ్యంపై తీవ్ర ప్రభావం చూపుతుంది. ముఖ్యంగా, పాల ఉత్పత్తులు, కూరగాయలు, మాంసం వంటివి త్వరగా పాడైపోయి, అపరిశుభ్రతకు కారణమవుతాయి. ఇలాంటి ఆహారాన్ని తినడం వల్ల వాంతులు, విరేచనాలు వంటి ఆరోగ్య సమస్యలు తలెత్తుతాయి. ఈ సమస్యల వల్ల ఆసుపత్రి ఖర్చులతో పాటు ఆహార వ్యర్థాలు పెరుగుతాయి.
రెండవది, గ్యాస్ లీకేజీ లేదా కంప్రెషర్ సమస్యలు ఉన్నప్పుడు, ఫ్రిజ్ ఎక్కువ విద్యుత్‌ను తీసుకుంటుంది. దానివల్ల కరెంట్ బిల్లు భారీగా పెరుగుతుంది. ఇది ఆర్థికంగా ఒక పెద్ద భారం. సాధారణంగా ఫ్రిజ్ రోజుకు కొంత విద్యుత్‌ను మాత్రమే వినియోగిస్తుంది. కానీ, దానిలో లోపాలు ఉంటే, అది సాధారణం కంటే ఎక్కువ విద్యుత్‌ను వినియోగించి, విద్యుత్ బిల్లు గణనీయంగా పెరిగే అవకాశం ఉంది. ఫలితంగా వీకు ఆర్థిక భారం మరింత పెరుగుతుంది.
మూడవది, ఈ చిన్న సమస్యలను మొదట్లోనే సరిచేయకపోతే, ఫ్రిజ్ పూర్తిగానే పాడైపోతుంది. అప్పుడు ఫ్రిజ్‌ను రిపేర్ చేయించడం కంటే కొత్త ఫ్రిజ్ కొనడమే ఉత్తమం అనిపించవచ్చు. ఒకవేళ రిపేర్ చేయించినా, అధిక ఖర్చుతో కూడుకున్నది అవుతుంది. కంప్రెషర్ పాడైపోయినప్పుడు కొత్త కంప్రెషర్ మార్చడానికి పెద్ద మొత్తంలో ఖర్చు అవుతుంది. ఈ నష్టాలన్నింటిని నివారించడానికి, ఫ్రిజ్ ముఖ్య భాగాలైన గ్యాస్ ఫిల్లింగ్, కంప్రెషర్లను సరైన సమయంలో తనిఖీ చేయించడం అవసరం. మీరు ఫ్రిజ్ జీవితకాలాన్ని పెంచాలనుకుంటే, దాని నిర్వహణపై శ్రద్ధ పెట్టడం ముఖ్యం.
Minimum Balance : రూ.50వేలు ఉండాల్సిందే..తమ ఖాతాదారులకు షాక్ ఇచిన ICICI బ్యాంక్