Gold Price: శ్రావణ మాసం: బంగారం, వెండి ధరలు

Gold Price: శ్రావణ మాసం కావడంతో బంగారానికి విపరీతంగా డిమాండ్ పెరిగింది. దీంతో బంగారం, వెండి ధరలు పైపైకి వెళ్తున్నాయి. గత 15 రోజులుగా తగ్గుతూ వచ్చిన గోల్డ్ రేట్లు మూడు రోజులుగా పెరుగుతూ వస్తున్నాయి. పైగా పెళ్లిళ్ల సీజన్ కూడా రావడంతో ధరలు ఒక్కసారిగా పెరిగినట్టు ట్రేడ్ వర్గాలు చెప్తున్నాయి. గత మూడు రోజులుగా హైదరాబాద్‌లో బంగారం ధరల్లో స్వల్ప తేడా కనిపిస్తుంది. ధరల్లో స్వల్పంగా పెరుగుదల కనిపిస్తుంది. ప్రస్తుతం, 10 గ్రాముల 22 క్యారెట్ల మరియు 24 క్యారెట్ల బంగారం ధరలు వరుసగా రూ. 54,300 మరియు రూ. 59,230కి చేరుకున్నాయి. ఫలితంగా బంగారం ధరలు రూ.60,000 మార్కుకు చేరుకున్నాయి. గత మూడు రోజులుగా హైదరాబాద్‌లో బంగారం ధరలు క్రమంగా పెరుగుతున్నప్పటికీ, ప్రస్తుతం బంగారం ధరలు ఒక నెల కనిష్ట స్థాయికి చేరుకోవడం గమనించదగ్గ విషయం. కొన్ని దేశాల్లో మాంద్యం, రష్యా-ఉక్రెయిన్ యుద్ధం కారణంగా ఏర్పడిన భౌగోళిక రాజకీయ అస్థిరత వంటి అనేక కారణాల వల్ల హైదరాబాద్ మరియు ఇతర భారతీయ నగరాల్లో బంగారం ధరల భవిష్యత్తు దిశ అనిశ్చితంగానే ఉంది. మారుతున్న మార్కెట్ పరిస్థితులకు అనుగుణంగా బంగారం ధరలు పెరుగుతాయా లేక తగ్గుముఖం పడతాయా అనేది చూడాలి.

Also Read: Tummala : తుమ్మల కాంగ్రెస్ లో చేరబోతున్నారా..?