Trending

Papaya Seeds: బొప్పాయి గింజలు రోజూ తింటే కొలెస్ట్రాల్‌, క్యాన్సర్‌ ముప్పు తగ్గుతుంది

Eating Papaya Seeds Daily Reduces Cholesterol And Cancer Risk

హెల్తీ ఫ్రూట్స్‌ లిస్ట్‌లో మొదట ఉండే పండ్లలో బొప్పాయి (Papaya) ఒకటి. ఈ పండు తరచుగా తీసుకుంటే, మన శరీరానికి ఎన్నో పోషకాలను అందిస్తుంది. బొప్పాయిలో విటమిన్‌ – ఎ, బి, సి, ఇ, కెలతోపాటు క్యాల్షియం, మెగ్నీషియం, జింక్‌, ఫోలేట్‌ వంటి పోషకాలు ఉంటాయి. బొప్పాయిలోని పొటాషియం, యాంటీఆక్సిడెంట్లు, ఫైబర్‌ గుండె ఆరోగ్యాన్ని కాపాడతాయి. హైపర్‌టెన్షన్‌ను కంట్రోల్‌లో ఉంచుతాయి. ఇది జీర్ణక్రియకు మేలు చేస్తుంది. కడుపు ఉబ్బరం, మలబద్ధకం వంటి సమస్యలను పరిష్కరిస్తాయి. బొప్పాయి (Papaya) పండు మాత్రమే కాదు, బొప్పాయి గింజలు (Papaya Seeds) మన ఆరోగ్యానికి ఎంతో మేలు చేస్తాయని నిపుణుల చెబుతున్నారు. మనం వేస్ట్‌ అని బయట పారేసే బొప్పాయి గింజలు అనేక అనారోగ్యాలు దరి చేరకుండా రక్షిస్తాయి. బొప్పాయి గింజలు (Papaya Seeds) తీసుకుంటే కలిగే ఆరోగ్య ప్రయోజనాలు ఇప్పుడు తెలుసుకుందాం.

ఈ పోషకాలు ఉంటాయి:

బొప్పాయి గింజల్లో ఫైబర్, ఆరోగ్యకరమైన కొవ్వులు, ప్రోటీన్లు మెండుగా ఉంటాయి. వీటిలో జింక్, ఫాస్పరస్, కాల్షియం, మెగ్నీషియం, ఐరన్, కాల్షియం వంటి పోషకాలు మెండుగా ఉంటాయి. బొప్పాయి గింజల్లో ఒలీక్ యాసిడ్, పాలీఫెనాల్స్ వంటి మోనోఅన్‌శాచురేటెడ్ ఫ్యాటీ యాసిడ్‌లు, శక్తివంతమైన యాంటీఆక్సిడెంట్, ఫ్లేవనాయిడ్స్‌ ఉంటాయి. ఈ పోషక విలువలు మీ ఆరోగ్యానికి మేలు చేస్తాయి.

ఇన్ఫ్లమేషన్‌ తగ్గిస్తుంది:

బొప్పాయి గింజల్లో విటమిన్ సి, ఆల్కలాయిడ్స్, ఫ్లేవనాయిడ్స్‌‌‌‌‌‌‌‌‌, పాలీఫెనాల్స్ వంటి ఇతర సమ్మేళనాలు పుష్కలంగా ఉంటాయి. ఇవి యాంటీ ఇన్‌ఫ్లమేటరీలుగా పనిచేస్తాయి. గౌట్, ఆర్థరైటిస్, కీళ్ల నొప్పులు ఉన్నావారు బొప్పాయి గింజలు తీసుకోవాలని నిపుణులు సూచిస్తున్నారు.

బరువు తగ్గుతారు:

బొప్పాయి గింజల్లో ఫైబర్ పుష్కలంగా ఉంటుంది. ఇది జీర్ణక్రియకు మద్దతు ఇస్తుంది. మీ శరీరం నుంచి వ్యర్థాలను సులభంగా తొలగిస్తుంది. ఫైబర్‌ మీ జీవక్రియ మెరుగ్గా జరిగేలా తోడ్పడుతుంది. మీ శరీరం అదనపు కొవ్వును నిల్వ చేయకుండా నిరోధిస్తుంది. బొప్పాయి గింజలు తీసుకుంటే.. మీ బరువు కంట్రోల్‌లో ఉంటుంది.

గట్‌ హెల్త్‌కు మంచిది:

బొప్పాయి గింజల్లో కార్పైన్ ఉంటుంది. ఇది మీ పేగులలో పురుగుల, బ్యాక్టీరియాను చంపుతుంది. మలబద్ధకాన్ని నివారిస్తుంది, జీర్ణవ్యవస్థ ఆరోగ్యానికి మేలు చేస్తుంది. బొప్పాయి గింజల్లోని అధిక ఫైబర్‌ పేగుల కదలికలను నియంత్రిస్తుంది.

నెలసరి నొప్పి తగ్గిస్తుంది:

బొప్పాయి గింజ్లో ఉండే కెరోటిన్.. ఈస్ట్రోజెన్ హార్మోన్ ఉత్పత్తిని నియంత్రించడంలో సహాయపడుతుంది.. బొప్పాయి గింజలు ఋతుక్రమాన్ని ప్రేరేపించడంలో, దాని క్రమబద్ధతను పెంచడంలో తోడ్పడతాయి. నెలసరి సమయంలో నొప్పిని తగ్గించడానికీ.. బొప్పాయి గింజలు సహాయపడతాయి.

క్యాన్సర్‌ ముప్పు తగ్గుతుంది:

బొప్పాయి గింజల్లో పాలీఫెనాల్స్ ఉంటాయి, ఇవి శక్తివంతమైన యాంటీఆక్సిడెంట్లుగా పనిచేస్తాయి. ఇవి అనేక రకాల క్యాన్సర‌ నుంచి మనల్ని రక్షిస్తాయి. క్యాన్సర్‌కు దూరంగా ఉండాలంటే.. 5 నుంచి 6 బొప్పాయి గింజలను పొడి చేసిత మీ ఆహారంలో, టీ చేసుకుని తాగండి.

కొలెస్ట్రాల్‌ కరుగుతుంది:

బొప్పాయి గింజల్లోని ఫైబర్‌‌‌‌ శరీరంలోని కొలెస్ట్రాల్‌ స్థాయిలను తగ్గించడంలో సహాయపడుతుంది. బొప్పాయి గింజల్లో ఒలీక్ యాసిడ్‌, ఇతర మోనోశాచురేటెడ్ ఫ్యాటీ యాసిడ్స్‌ మెండుగా ఉంటాయి. ఇవి చెడు కొలెస్ట్రాల్‌ను కరిగిస్తాయి.

ఎన్ని తినాలి:

ఒక రోజులో 1 గ్రాముయ/ 5 బొప్పాయి గింజల కంటే ఎక్కువ తినకూడదని నిపుణులు చెబుతున్నారు. బొప్పాయి గింజలు పచ్చివి కూడా తినొచ్చు, పొడర్‌ రూపంలోనూ తీసుకోవచ్చు. కానీ, వీటిని తీసుకునే ముందు డాక్టర్‌ సలహా తీసుకోవడం మంచిది.

Also Read:  Lung Problems: లంగ్స్ లో ప్రాబ్లమ్స్ ఉంటే బయటపెట్టే 7 సంకేతాలు

Related News

తాజా వార్తలు