Health Tips : ఖర్జూరాలు అనేక ఆరోగ్య ప్రయోజనాలను అందిస్తాయి. ఇందులో సహజసిద్ధమైన షుగర్ కంటెంట్ ఉంటుంది కాబట్టి రెగ్యులర్ గా తీసుకుంటే ఎలాంటి సైడ్ ఎఫెక్ట్స్ ఉండవు. నెయ్యి కూడా దాని స్వంత ప్రయోజనాలను కలిగి ఉంది. నెయ్యిలో హెల్తీ ఫ్యాట్స్ ఉంటాయని, రెండింటినీ కలిపి తీసుకుంటే ఎన్నో లాభాలు పొందవచ్చని నిపుణులు చెబుతున్నారు. ఖర్జూరంలోని సహజ చక్కెరలు గ్లూకోజ్, ఫ్రక్టోజ్ , సుక్రోజ్ శరీరానికి తక్షణ శక్తిని అందిస్తాయి. ఈ చక్కెరలు సులభంగా జీర్ణమవుతాయి. అంతే కాదు, రక్తంలో గ్లూకోజ్ స్థాయిలను సమతుల్యం చేసే శక్తి దీనికి ఉంది. ఇంతకీ ఖర్జూరాన్ని నెయ్యిలో వేయించి తింటే ఎలాంటి ఆరోగ్య ప్రయోజనాలు కలుగుతాయి? పూర్తి సమాచారం ఇదిగో.
ఖర్జూరాన్ని నెయ్యిలో వేయించి తింటే రోగ నిరోధక శక్తి పెరుగుతుందని ఆరోగ్య నిపుణులు అంటున్నారు. అంతే కాదు. ఇది మన శరీర కణజాలాల ఆరోగ్యాన్ని మెరుగుపరుస్తుంది. ఖర్జూరం , నెయ్యి రెండింటిలోనూ యాంటీ ఆక్సిడెంట్లు ఉంటాయి. ఇవి ఆక్సీకరణ ఒత్తిడిని తగ్గించడంలో సహాయపడతాయి.
మహిళల ఆరోగ్యానికి మంచిది;
నెయ్యిలో వేయించిన ఖర్జూరం మహిళల ఆరోగ్యానికి ఎంతో మేలు చేస్తుందని ఆరోగ్య నిపుణులు అంటున్నారు. ముఖ్యంగా గర్భిణీ స్త్రీలు గర్భాశయం ఆరోగ్యంగా ఉండటానికి దీనిని తీసుకుంటారు. ఫలితంగా మంచి ప్రసవాలు జరిగే అవకాశం ఉందని ఆయుర్వేద నిపుణులు అంటున్నారు. అలాగే, నెయ్యిలో నానబెట్టిన ఖర్జూరం ఒత్తిడిని తగ్గిస్తుంది , ఆందోళన , గుండె దడ వంటి సమస్యలను నివారిస్తుంది. ఖర్జూరం ఎముకలను బలోపేతం చేయడానికి , గుండె ఆరోగ్యానికి మంచిది.
ఖర్జూరం నెయ్యిలో వేయించి తింటే ఎలా?
ముందుగా 10 నుంచి 12 గింజలు లేని ఖర్జూరాలను తీసుకుని వాటిని సరిగ్గా ఎండబెట్టాలి. తర్వాత స్టవ్ మీద కడాయి పెట్టి దానికి 2 చెంచాల నెయ్యి వేయాలి. కొద్దిగా వేడెక్కిన తర్వాత ఖర్జూరం వేసి చిన్న మంట మీద కాసేపు వేయించాలి. కాల్చిన ఖర్జూరాలను చల్లార్చి గాలి చొరబడని గాజు సీసాలో నెయ్యితో పాటు నిల్వ చేసుకోవాలి. ఆ తర్వాత రోజూ తినవచ్చు.
Read Also : Heart Attack Signals : చెవి నొప్పిని నిర్లక్ష్యం చేయవద్దు, ఇది గుండెపోటుకు సిగ్నల్ కావచ్చు..!