మనలో చాలా మందికి భోజనం చేసిన వెంటనే స్నానం చేయడం అలవాటుగా ఉంటుంది. కొందరికి ఇది సౌకర్యంగా, మరికొందరికి రొటీన్లా మారిపోయింది. అయితే వైద్యులు చెబుతున్నదేమిటంటే – ఈ అలవాటు మన శరీరానికి మేలు కాకపోవడమే కాకుండా, దీర్ఘకాలంలో జీర్ణ సంబంధ సమస్యలకు దారితీస్తుంది. భోజనం చేసిన తర్వాత శరీరంలో రక్త ప్రసరణ ప్రధానంగా జీర్ణక్రియ కోసం కేంద్రీకృతమవుతుంది. ఆ సమయంలో స్నానం చేయడం వల్ల రక్త ప్రసరణ చర్మం వైపుకు మళ్లిపోతుంది, ఫలితంగా ఆహారం సరిగా జీర్ణం కాని పరిస్థితి ఏర్పడుతుంది. దీని వల్ల బద్ధకం, అజీర్ణం, వాంతులు, గ్యాస్ వంటి సమస్యలు రావచ్చని వైద్య నిపుణులు హెచ్చరిస్తున్నారు.
Mobile Wallpaper: మీ ఫోన్ వాల్పేపర్గా దేవుడి ఫొటో పెట్టుకున్నారా? అయితే ఈ వార్త మీకోసమే!
ఆహారం తీసుకున్న వెంటనే స్నానం చేయడం వల్ల శరీర ఉష్ణోగ్రతలో కూడా మార్పులు వస్తాయి. జీర్ణక్రియ సక్రమంగా జరిగేందుకు శరీరంలో నిర్దిష్టమైన ఉష్ణ స్థాయిలు అవసరం. కానీ స్నానం వల్ల ఆ స్థితి దెబ్బతింటుంది. ముఖ్యంగా చల్లటి నీటితో స్నానం చేస్తే రక్తనాళాలు సంకోచించిపోతాయి, దాంతో జీర్ణ వ్యవస్థ పనితీరు మందగిస్తుంది. దీంతో శరీరం తిన్న ఆహారాన్ని జీర్ణించేందుకు ఎక్కువ సమయం తీసుకుంటుంది. దీని ఫలితంగా నిద్రమత్తు, బరువు పెరగడం, మరియు కాలక్రమంలో గ్యాస్ట్రిక్ ఇబ్బందులు రావచ్చు.
వైద్య నిపుణులు సూచిస్తున్న విధంగా, భోజనం చేసిన తర్వాత కనీసం ఒక గంట నుంచి గంటన్నర గ్యాప్ ఇవ్వడం అవసరం. ఈ మధ్యలో శరీరానికి విశ్రాంతి ఇచ్చి, ఆహారం సరిగ్గా జీర్ణమయ్యేలా చూడాలి. అనంతరం గోరువెచ్చని నీటితో స్నానం చేయడం శరీరానికి సౌకర్యాన్నిస్తుందని చెబుతున్నారు. ఇది రక్తప్రసరణను సంతులనం చేస్తూ, మసిల్స్కి రీలాక్సేషన్ ఇస్తుంది. మొత్తంగా చూస్తే – “తిన్న వెంటనే స్నానం” అనేది సౌకర్యంగా అనిపించినా, శరీర ఆరోగ్యానికి మైనస్గా మారుతుంది. కాబట్టి సమయాన్ని పాటించడం, గోరువెచ్చని నీటితో స్నానం చేయడం – ఆరోగ్యకర జీవనశైలికి కీలకం అని వైద్యులు సూచిస్తున్నారు.