ప్రస్తుత రోజులో స్త్రీ, పురుషులు అనే బేధం లేకుండా ప్రతి ఒక్కరు అందం విషయంలో ఎన్నో రకాల జాగ్రత్తలు పాటిస్తున్నారు. అలాగే మార్కెట్ లో దొరికే ఎన్నో రకాల బ్యూటీ ప్రోడక్ట్స్ ని కూడా ఉపయోగిస్తూ ఉంటారు. ఇంకొందరు హోమ్ రెమిడీస్ ని కూడా ఫాలో అవుతూ ఉంటారు. అయితే అందం కోసం హోమ్ రెమెడీస్ లో ఎక్కువ మంది ఉపయోగించే వాటిలో బీట్ రూట్ కూడా ఒకటి. మరి బీట్ రూట్ అందానికి ఏ విధంగా ఉపయోగపడుతుందో ఇప్పుడు మనం తెలుసుకుందాం.. బీట్ రూట్ ఆరోగ్యానికే కాదు అందానికి ఎంతో ఉపయోగపడుతుంది.
బీట్ రూట్ రసంలో ఉండే లక్షణాలు కళ్ళ వాపును నివారిస్తుంది. రెండు చెంచాల బీట్ రూట్ రసంలో ఒక చెంచా పెరుగు మిక్స్ చేసి ముఖానికి పట్టించి ఇరవై నిముషాల తర్వాత ముఖం చల్లటి నీటితో శుభ్రం చేసుకుంటే మొటిమలతో పాటు వాటి తాలుకు మచ్చలను కూడా పూర్తిగా నివారిస్తుంది. బీట్ రూట్ జ్యూస్‌ను ముఖానికి అప్లై చేయడం వల్ల చర్మ ఛాయ మెరుగుపడుతుంది. బీట్ రూట్ పేస్ట్‌లో కొద్దిగా పాలు మిక్స్ చేసి ముఖానికి పట్టించి అరగంట తర్వాత ముఖం శుభ్రం చేసుకోవాలి. అలాగే ఒక టీస్పూన్ బీట్ రూట్ జ్యూస్‌కు ఒక చెంచా నిమ్మరసం మిక్స్ చేసి ఈ మిశ్రమాన్ని ముఖానికి పట్టించి 15నిముషాల తర్వాత చల్లటి నీటితో శుభ్రం చేసుకోవాలి.
రాత్రి పడుకొనే ముందు ఇలా చేస్తే మంచి ఫలితం ఉంటుంది. బీట్ రూట్ రసం, షుగర్ రెండింటి మిశ్రమాన్ని ముఖానికి పట్టించి స్ర్కబ్ చేయడం వల్ల ముఖంలో ఉండే బ్లాక్ హెడ్స్ నివారించబడుతాయి. ఉడకబెట్టిన బీట్‌రూట్‌ను గుజ్జుగా చేసి ముఖానికి, మెడభాగంలో అప్లై చేయాలి. అరగంట తర్వాత చల్లని నీటితో కడిగేయాలి. ఇలా రెగ్యులర్‌గా చేస్తే మీ చర్మంలో కాంతి వస్తుంది. ఈ చిట్కాలను పాటించడం వల్ల అందంని మరింత రెట్టింపు చేసుకోవచ్చు. అయితే ఈ చిట్కాలను ఉపయోగించే ముందు వైద్యులను సంప్రదించడం మంచిది.