Urinary Tract Infection Symptoms పని ఒత్తిడి, ప్రయాణం లేదా శుభ్రమైన టాయిలెట్ లేకపోవడం వల్ల చాలామంది తరచుగా మూత్రాన్ని ఆపుకుంటారు. కొంతమందికి ఎటువంటి కారణం లేకుండా గంటల తరబడి మూత్ర విసర్జన చేయని అలవాటు ఉంటుంది. కానీ ఈ అలవాటు క్రమంగా మీ ఆరోగ్యానికి హాని కలిగిస్తుందని మీకు తెలుసా? మూత్రాన్ని ఆపుకోవడం వల్ల ఇన్ఫెక్షన్ వచ్చే ప్రమాదం పెరుగుతుంది. బలవంతంగా పట్టి ఉంచడం వల్ల మూత్రాశయంపై ఒత్తిడి పెరుగుతుంది. ఇది మూత్ర నాళాల ఇన్ఫెక్షన్లు (UTI), కిడ్నీలో రాళ్లు వంటి సమస్యలకు కారణమవుతుంది.
ప్రస్తుత బిజీ లైఫ్స్టైల్, ట్రావెలింగ్ లేదా బహిరంగ ప్రదేశాల్లో టాయిలెట్లు శుభ్రంగా లేకపోవడం వల్ల చాలా మంది మూత్రాన్ని పట్టి ఉంచుకుంటారు. అయితే, ఎక్కువసేపు లేదా పదే పదే మూత్రాన్ని ఆపుకోవడం మన ఆరోగ్యానికి హానికరం. ఈ అలవాటు మూత్ర నాళాన్ని దెబ్బతీయడమే కాకుండా అనేక తీవ్రమైన అనారోగ్యాలకు దారితీస్తుంది.
మూత్రం ఆపుకోవడం ఆరోగ్యానికి ముప్పు.
ఎక్కువసేపు లేదా పదే పదే మూత్రాన్ని పట్టి ఉంచుకోవడం ఆరోగ్యానికి హానికరం. ఈ అలవాటు మూత్ర నాళాన్ని దెబ్బతీయడమే కాకుండా అనేక తీవ్రమైన అనారోగ్యాలకు దారితీస్తుంది. మన శరీరంలో పేరుకుపోయిన టాక్సిన్స్, హానికరమైన బ్యాక్టీరియా, అదనపు ఉప్పు మూత్రం ద్వారా విసర్జించబడతాయి. అయితే, మూత్రాన్ని ఆపుకోవడం వల్ల ఆరోగ్యానికి హాని కలుగుతుంది.
తర్వాత వెళ్లొచ్చులే అని మూత్రాన్ని ఆపుకునే అలవాటు మీ మూత్రపిండాల వ్యవస్థను నిశ్శబ్దంగా దెబ్బతీస్తుంది. మూత్రాశయం నిండినప్పుడు మెదడు మూత్రాన్ని విడుదల చేయమని సందేశాన్ని అందుకుంటుంది. అయితే, మూత్రాన్ని పట్టి ఉంచడం వల్ల తీవ్రమైన ఆరోగ్య సమస్యలకు దారితీస్తుంది. ఇది అనేక దుష్ప్రభావాలను కలిగిస్తుంది. ఈ అలవాటు కిడ్నీలు, మూత్రాశయం, మూత్ర వ్యవస్థలకు చాలా హానికరం.
మూత్రాన్ని ఆపుకోవడం వల్ల కలిగే నష్టాలు
- కండరాలు బలహీనపడటం:మూత్రాన్ని బలవంతంగా ఆపుకోవడం వల్ల మూత్రశయంపై అధిక ఒత్తిడి ఏర్పడుతుంది. ఇది మూత్రాశయం కండరాల్ని బలహీనపరుస్తుంది. మూత్రాశయం అతిగా సాగడం వల్ల దాని కండరాల పటుత్వం తగ్గిపోతుంది. దీని వల్ల మూత్రం లీక్ అవుతుంది.
- మూత్ర ఇన్ఫెక్షన్లు:మూత్రాన్ని చాలా సార్లు ఆపుకోవడం వల్ల మూత్రాశయంలో బ్యాక్టీరియా పేరుకుపోతుంది. ఇది క్రమంగా మూత్ర నాళాల ఇన్ఫెక్షన్కు దారితీస్తుంది. ఇది మంట, తరచుగా మూత్ర విసర్జన, దుర్వాసన వచ్చే మూత్రం, జ్వరానికి కారణమవుతుంది. మూత్ర నాళాల ఇన్ఫెక్షన్కు వెంటనే చికిత్స చేయకపోతే అది కిడ్నీలను ప్రభావితం చేస్తుంది.
- నొప్పి, అసౌకర్యం:మూత్రం విసర్జించేటప్పుడు మంట, కడుపు కింది భాగంలో నొప్పి లేదా తరచుగా మూత్రానికి పోవాలనే భావన కలగవచ్చు.
కిడ్నీలపై ప్రభావం
- మూత్రపిండాల్లో రాళ్లు: మూత్రాన్ని బలవంతంగా ఆపుకోవడం వల్ల కిడ్నీల్లో ఖనిజ నిక్షేపాలు ఏర్పడతాయి. ఈ పరిస్థితి రాళ్లు ఏర్పడటానికి కారణమవుతుంది. పదే పదే మూత్ర విసర్జనను ఆపుకోవడం వల్ల ఈ సమస్య మరింత తీవ్రమవుతుంది. కిడ్నీల్లో రాళ్లు తీవ్రమైన నొప్పిని కలిగిస్తాయి.
- కిడ్నీలకు నష్టం: ఎక్కువసేపు యూరిన్ ఆపుకోవడం వల్ల మూత్రపిండాలపై మూత్రం ఒత్తిడి పెరుగుతుంది. ఇది హైడ్రోనెఫ్రోసిస్ లేదా మూత్రపిండాల ఇన్ఫెక్షన్కు దారితీస్తుంది. ఇది క్రమంగా మూత్రపిండాల వైఫల్యానికి దారితీసే అవకాశం ఉంది.
ఎవరిలో ఎలాంటి ప్రభావం
| వర్గం | ప్రధాన సమస్యలు |
| చిన్న పిల్లలు | ఇన్ఫెక్షన్లు, పక్క తడపడం, బ్లాడర్ కండరాలు బలహీనమవ్వడం |
| పెద్దలు | మూత్రపిండాలలో రాళ్లు, కండరాల నొప్పి, బ్లాడర్ స్ట్రెచింగ్, ఇన్ఫెక్షన్లు |
| గర్భిణీ స్త్రీలు | తీవ్రమైన యూటీఐ సమస్య, నెలలు నిండకుండానే ప్రసవం, తీవ్రమైన ఇన్ఫెక్షన్లు. |
పాటించాల్సిన ముఖ్యమైన అలవాట్లు
మూత్రాశయాన్ని ఆరోగ్యంగా ఉంచుకోవడానికి కొన్ని చిట్కాలను పాటించాలి. అవేంటంటే..
- మూత్ర విసర్జనను వాయిదా వేయకండి:మీ శరీరం ఇచ్చే సంకేతాల్ని తప్పక వినండి. మూత్రం వచ్చినప్పుడు ఆలస్యం చేయకుండా వెంటనే వెళ్లండి.
- పుష్కలంగా నీరు తాగండి:తగినంత నీరు తాగడం అలవాటు చేసుకోండి. ఈ అలవాటు వల్ల మూత్రం పలుచగా ఉంటుంది. దీంతో ఇన్ఫెక్షన్ల భయం తగ్గుతుంది. రోజుకు కనీసం 8-10 గ్లాసుల నీరు తాగండి. నీరు తక్కువైతే మూత్రం గాఢత పెరిగి మంట పుడుతుంది.
- పూర్తిగా ఖాళీ చేయండి:మూత్రవిసర్జన చేసే సమయంలో పూర్తిగా యూరిన్ ఖాళీ అయ్యేలా చూసుకోండి. ముఖ్యంగా రాత్రి సమయాల్లో లేదా ప్రయాణాలకు వెళ్లే ముందు ఇది చాలా ముఖ్యం. లేదంటే నిద్రకు భంగం కలుగుతుంది.
- ఆహారపు అలవాట్లు:అతిగా కెఫీన్ తీసుకోవడం తగ్గించండి. అంటే టీ, కాఫీ తీసుకోవడం పరిమితం చేయండి. ఎందుకంటే ఇవి మూత్రాశయాన్ని చికాకు పెడతాయి.
తీసుకోవాల్సిన జాగ్రత్తలు
దాహం వేసినా వేయకపోయినా కనీసం ప్రతి 3 గంటలకు ఒకసారి మూత్రవిసర్జన చేయడానికి ప్రయత్నించండి.
శుభ్రత కూడా చాలా ముఖ్యం. ఇన్ఫెక్షన్లు రాకుండా జననేంద్రియ భాగాలను శుభ్రంగా ఉంచుకోవాలి.
పని ఒత్తిడిలో పడి లేదా బయట టాయిలెట్లు వాడటం ఇష్టం లేకో చాలామంది మూత్రాన్ని ఆపుకుంటారు. అయితే, ఈ అలవాటు మీ ఆరోగ్యానికి మంచిది కాదు.
మీకు మూత్రం వస్తున్నప్పుడు నొప్పిగా ఉన్నా, రంగు మారినా లేదా రక్తం కనిపిస్తున్నా వెంటనే డాక్టర్ను సంప్రదించడం చాలా ముఖ్యం.