Avoid Sugar: చక్కెరను పరిమితి మించి తీసుకుంటే ఆరోగ్యానికి ముప్పుగా మారుతుంది. కానీ మీరు కేవలం 30 రోజుల పాటు చక్కెర తినకపోతే శరీరంలో చాలా చక్కని మార్పులు జరుగుతాయి. ముఖ్యంగా ప్రాసెస్‌డ్ షుగర్‌ను పూర్తిగా మానేస్తే కాలేయంలో పేరుకుపోయిన కొవ్వు తగ్గడం మొదలవుతుంది. ఫ్యాటీ లివర్‌ సమస్యను నియంత్రించేందుకు ఇది సహాయపడుతుంది. అదే విధంగా, అధిక చక్కెర వల్ల నిరంతరం ఒత్తిడిలో ఉండే మూత్రపిండాలు విశ్రాంతి పొందతాయి, పని తీరులో మెరుగుదల కనిపిస్తుంది.
శరీరంలోని ధమనుల గోడల్లో వాపును చక్కెర పెంచుతుందని నిపుణులు చెబుతున్నారు. ఈ వాపు గుండె జబ్బులకు దారితీస్తుంది. చక్కెర మానితే ఈ వాపు తగ్గి గుండెపోటు, స్ట్రోక్‌ల ప్రమాదం కూడా తగ్గుతుంది. అంతేకాక, చక్కెర లేని జీవనశైలి శరీరంలో రోగనిరోధక శక్తిని బలపరుస్తుంది. తెల్ల రక్త కణాలు బలంగా మారి వ్యాధులపై పోరాడే శక్తిని పొందుతాయి.
Also Read This: Cold : వర్షాకాలం తరచూ జలుబుతో ఇబ్బంది పడుతున్నారా? టాబ్లెట్ వాడకుండానే ఉపశమనం పొందండిలా?
శరీరానికి అవసరమైన మెగ్నీషియం, కాల్షియం, జింక్ వంటి ఖనిజాల శోషణ మెరుగవుతుంది. ఇది ఎముకలు, కండరాలు, మానసిక ఆరోగ్యానికి ఎంతో మేలు చేస్తుంది. చిన్న మార్పు చేసినా, దాని ప్రభావం గొప్పదిగా ఉంటుంది. కాబట్టి మీ ఆరోగ్యానికి ఒక మంచి మొదలుగా, చక్కెర లేకుండా నెలరోజుల ప్రయాణాన్ని మొదలుపెట్టండి.