కీళ్ల నొప్పులతో (Joint Pain) ఎంతోమంది బాధపడుతుంటారు. ముఖ్యంగా వయసు పైబడిన వారిలో ఈ ప్రాబ్లమ్ ఎక్కువగా ఉంటుంది. మెట్లు ఎక్కలేక, ఎక్కువ దూరం నడిచే ఓపిక లేక ఇలాంటి వారు ఎంతో అవస్థ పడుతుంటారు. వారి కోసం 5 ఆరోగ్య మూలికలు.. 5 జీవన శైలి చిట్కాలను వైద్య నిపుణులు సూచిస్తున్నారు. అవేంటో తెలుసుకోండి..
కీళ్ల నొప్పులకు (Joint Pain) చెక్ పెట్టే 5 మూలికలు
★ కలబంద: ఇందులో యాంటీ ఇన్ఫ్లమేటరీ గుణాలు ఉన్నాయి. ఆర్థరైటిస్ నొప్పి నుంచి ఉపశమనం పొందడంలో సహాయపడే ఆంత్రాక్వినోన్స్తో జెల్ ఇందులో ఉంటుంది.
★ పసుపు (హల్ది): దీనిలోని ప్రధాన పోషక పదార్ధం కర్కుమిన్. ఇది యాంటీ ఇన్ఫ్లమేటరీ లక్షణాలను కలిగి ఉంది. కీళ్ల వాపును పసుపు తగ్గిస్తుంది.
★ వాము లేదా ఓమ : ఇందులో యాంటీ ఇన్ఫ్లమేటరీ, యాంటీ మైక్రోబియల్ లక్షణాలు ఉన్నాయి. కీళ్ల నొప్పులు పెరగకుండా ఇది కంట్రోల్ చేయగలదు.
★ అల్లం: అల్లం యాంటీ ఇన్ఫ్లమేటరీ లక్షణాలను కలిగి ఉంది. దీనికి ల్యూకోట్రీన్స్ అని పిలువబడే ఇన్ఫ్లమేటరీ అణువులను అణిచివేసే సామర్థ్యం ఉంటుంది.నొప్పి మరియు వాపుకు కారణమయ్యే ప్రోస్టాగ్లాండిన్లను సంశ్లేషణ చేసే సామర్థ్యం కూడా అల్లంకు ఉంది.
★ వెల్లుల్లి: వెల్లుల్లిలో డయాలిల్ డైసల్ఫైడ్ అనే యాంటీ ఇన్ఫ్లమేటరీ సమ్మేళనం ఉంటుంది. ఇది ప్రో-ఇన్ఫ్లమేటరీ సైటోకిన్ల ప్రభావాలను తగ్గిస్తుంది.
కీళ్ల నొప్పులకు (Joint Pain) చెక్ పెట్టే 5 జీవన శైలి టిప్స్
★ బరువు తగ్గండి:
ఆస్టియో ఆర్థరైటిస్ రావడానికి అధిక బరువు ప్రధాన కారణం. కొన్ని పనులు చేసే క్రమంలో శరీర బరువులో మూడో వంతు ఒత్తిడి మన మోకాళ్లపై పడుతుంది. ఇది కీళ్ల నొప్పికి దారి తీస్తుంది. బరువు తగ్గడం ద్వారా ఆర్థరైటిస్ను నివారించవచ్చు. ఇప్పటికే దానితో బాధపడుతున్న వారిలో గణనీయమైన నొప్పిని తగ్గించుకోవచ్చు.
★ మీ శారీరక కార్యకలాపాలను సవరించండి:
మోకాళ్ల నొప్పులు ఉన్నవారు జాగింగ్, స్క్వాటింగ్, స్కిప్పింగ్, నేలపై కూర్చోవడం వంటి ఇంపాక్ట్ లోడింగ్ కార్యకలాపాలకు దూరంగా ఉండాలి. వెస్ట్రన్ టాయిలెట్ మాత్రమే ఉపయోగించాలి. ఇది నొప్పిని తగ్గించడంలో సహాయపడుతుంది.
★ రెగ్యులర్ వ్యాయామాలు:
రెగ్యులర్ వ్యాయామాలు చేస్తే కండరాలు బలోపేతం అవుతాయి.
అవి మన కీళ్ల కదలికలను స్థిరీకరిస్తాయి. కీళ్ల ఉపరితల పోషణకు కూడా ఇది మంచిది. కాబట్టి మందులు తీసుకోవడం ఎంత ముఖ్యమో.. క్రమం తప్పకుండా వ్యాయామం చేయడం అంతే ముఖ్యం.
★ విటమిన్ సప్లిమెంట్స్:
విటమిన్ డి ఎముకలను బలంగా చేస్తుంది. కండరాలు మరియు నరాలకు విటమిన్ బి12 ముఖ్యమైనది. విటమిన్ల యొక్క దీర్ఘకాలిక లోపం కూడా ఆర్థరైటిస్కు కారణం అవుతుంది. మృదులాస్థికి హాని కలిగిస్తుంది.
★ యోగా:
ఒత్తిడిని నియంత్రించడం, జీవక్రియను మెరుగుపరచడం ద్వారా యోగా పరోక్షంగా సహాయపడుతుంది. క్రమం తప్పకుండా యోగా చేయడం ద్వారా నొప్పి థ్రెషోల్డ్ పెరుగుతుంది. ఇది పెయిన్ కిల్లర్ అవసరాన్ని తగ్గిస్తుంది.
Also Read: Rajasthan CM: నిండు సభలో నవ్వులపాలైన రాజస్థాన్ సీఎం!