మాజీ భారత క్రికెటర్ యువరాజ్ సింగ్ (Yuvraj Singh) మనీ లాండరింగ్ కేసు(Money laundering case)లో ఢిల్లీలోని ఎన్ఫోర్స్మెంట్ డైరెక్టరేట్ (ED) హెడ్క్వార్టర్స్కి విచారణకు హాజరయ్యారు. ఆన్లైన్ బెట్టింగ్ యాప్ 1xBet వ్యవహారంలో చోటుచేసుకున్న ఆర్థిక అవకతవకలపై ఆయనను అధికారులు ప్రశ్నించనున్నారు. ఈ యాప్ ద్వారా దేశ వ్యాప్తంగా అక్రమంగా కోట్ల రూపాయల లావాదేవీలు జరిగాయని, పలువురు ప్రముఖులు నేరుగా లేదా పరోక్షంగా ప్రమోషన్ల ద్వారా దీనికి సంబంధం కలిగి ఉన్నారని ఆరోపణలు ఉన్నాయి. యువరాజ్ సింగ్పై కూడా ఈ వ్యవహారంలో ప్రమోషనల్ కార్యకలాపాలు చేసినట్లు అనుమానాలు వ్యక్తమవుతున్నాయి.
Causes of Dizziness: తల తిరగడం కారణాలు ఏమిటి? అగస్మాత్తుగా తల తిప్పడం ఏ వ్యాధి సూచిక?
ఇప్పటికే ఈ కేసులో పలువురు సినీ, క్రీడా ప్రముఖులను ED విచారిస్తోంది. బాలీవుడ్ నటి అన్వేషి జైన్ విచారణకు హాజరై తన వాంగ్మూలం ఇచ్చారు. నిన్న మాజీ క్రికెటర్ రాబిన్ ఉతప్ప ను ఎనిమిది గంటల పాటు ప్రశ్నించారు. ఉతప్ప కూడా 1xBet యాప్ ప్రమోషన్లలో పాల్గొన్నారని ఆరోపణలు ఉన్నాయి. అధికారులు ఈ లావాదేవీల ద్వారా ఎవరు ఎంత మొత్తాన్ని పొందారు, ఆ డబ్బు ఎక్కడ వినియోగించబడింది అనే విషయాలపై వివరాలు సేకరిస్తున్నారు. ఇంతకు ముందు కూడా ఈ యాప్ దేశంలో నిషేధితమైందని, అయినప్పటికీ గుప్తంగా ప్రకటనలు, స్పాన్సర్షిప్లు జరిపినట్లు ఆరోపణలు ఉన్నాయి.
ఈ కేసులో మరికొంతమంది ప్రముఖులు కూడా విచారణకు హాజరుకానున్నారు. ప్రముఖ నటుడు సోనూ సూద్ రేపు ED ముందు హాజరుకావాల్సి ఉంది. ఆయనపై కూడా ఈ యాప్ ప్రచారం, సంబంధిత ఆర్థిక లావాదేవీలలో ప్రమేయం ఉన్నట్లు అనుమానాలు వ్యక్తమవుతున్నాయి. 1xBet యాప్ ద్వారా దేశంలో అక్రమ బెట్టింగ్ కార్యకలాపాలు పెరిగి, బ్లాక్ మనీ సర్క్యులేషన్ పెరిగిందని ED వర్గాలు చెబుతున్నాయి. ఈ విచారణల ద్వారా నిజానికి ఎంత మేరకు ప్రముఖుల ప్రమేయం ఉందో, ఎవరెవరు డబ్బు పొందారో వెలుగులోకి రానుంది. ఈ కేసు క్రీడా, సినీ రంగాలపై పెద్ద ఎత్తున దృష్టిని ఆకర్షిస్తోంది.