Bihar Speaker: బీహార్‌లో స్పీకర్ పదవిపై రాజకీయ పోరు.. బీజేపీ, జేడీయూలలో ఎవరికి దక్కేను?

Bihar Speaker: బీహార్‌లో నితీష్ ప్రభుత్వపు మొదటి క్యాబినెట్ సమావేశం కూడా పూర్తయింది. ఇప్పుడు భారతీయ జనతా పార్టీ (బీజేపీ), జనతాదళ్ (యునైటెడ్) (జేడీయూ) దృష్టి శాసనసభ స్పీకర్ (Bihar Speaker) పదవిపై కేంద్రీకృతమైంది. బీజేపీ ఈ పదవిని తమ వద్దే ఉంచుకోవాలని కోరుకుంటుంది. అయితే జేడీయూ వాదన ఏమిటంటే.. ఇంతకుముందు తమ కోటాలో ఉన్న హోం శాఖ ఇప్పుడు బీజేపీకి దక్కింది కాబట్టి బీజేపీ కోటాలో ఉన్న స్పీకర్ పదవిని ఈసారి తమ పార్టీ ఎమ్మెల్యేకు ఇవ్వాలని ప‌ట్టుబ‌డుతుంది. నిజానికి శాసనసభ స్పీకర్‌కు అనేక ముఖ్యమైన అధికారాలు ఉంటాయి. రెండు పార్టీలూ స్పీకర్ తమ పార్టీ నుంచే ఉండాలని కోరుకుంటున్నాయి.

బీహార్‌లో స్పీకర్ పదవి ఎందుకు అంత కీలకం?

బీహార్‌లో శాసనసభ స్పీకర్ పదవి గురించి రాజ్యాంగంలోని ఆర్టికల్ 178లో పేర్కొనబడింది. దీని ప్రకారం.. స్పీకర్ శాసనసభకు అధిపతిగా, పీఠాధిపతి అధికారిగా వ్యవహరిస్తారు. సభ కార్యకలాపాలను నిర్వహించడం, అవసరమైనప్పుడు సభ రహస్య సమావేశాలను ఏర్పాటు చేయడం వంటివి చేస్తారు. ప్రతిపక్షాన్ని గుర్తించే పని కూడా స్పీకర్ పరిధిలోనే ఉంటుంది. ఎమ్మెల్యేల అదుపులేని ప్రవర్తనను నియంత్రించడంతో పాటు.. ఏ ఎమ్మెల్యేనైనా అనర్హుడిగా ప్రకటించే అధికారం స్పీకర్‌కు ఉంటుంది. అవిశ్వాస తీర్మానం, నింద తీర్మానాన్ని ఆమోదించడంలో స్పీకర్ పాత్ర కీలకం. ఏ సభ్యుడు ఎప్పుడు ఓటు వేయాలనే నిర్ణయాన్ని కూడా స్పీకరే తీసుకుంటారు.

Also Read: India vs South Africa: రెండో టెస్ట్‌లో భారత్‌కు భారీ లక్ష్యం.. టీమిండియా గెలుపు క‌ష్ట‌మేనా?!

ముఖ్యమంత్రికి స్పీకర్ పదవి ఎందుకు అవసరం?

నియమాల ప్రకారం స్పీకర్ పదవికి చాలా ముఖ్యమైన అధికారాలు ఉన్నాయి. 1985 నాటి పార్టీ ఫిరాయింపుల చట్టం ప్రకారం.. స్పీకర్ ఏ ఎమ్మెల్యేనైనా అనర్హుడిగా ప్రకటించవచ్చు. చిన్న పార్టీల ఎమ్మెల్యేలు తరచుగా పార్టీలు మారుతుంటారు. కాబట్టి రాజకీయ స్థిరత్వాన్ని కాపాడుకోవడానికి ఈ పదవి చాలా ముఖ్యమైనదిగా పరిగణించబడుతుంది.

స్పీకర్ పదవి కోసం చర్చలో ఉన్న పేర్లు

జేడీయూ (JDU): స్పీకర్ పదవికి జేడీయూ నుండి ఝాఝా ఎమ్మెల్యే దామోదర్ రావత్ పేరు ప్రముఖంగా వినిపిస్తోంది.

బీజేపీ (BJP): బీజేపీ తరఫున గయా టౌన్ స్థానం నుండి వరుసగా తొమ్మిదోసారి ఎమ్మెల్యేగా ఎన్నికైన ప్రేమ్ కుమార్‌ను ప్రధాన అభ్యర్థిగా భావిస్తున్నారు.

బీహార్ కొత్త క్యాబినెట్ మొదటి సమావేశంలో డిసెంబర్ 1 నుండి 6 వరకు బీహార్ శాసనసభ సమావేశాలు జరుగుతాయని ప్రకటించారు. ఈ సమయంలో కొత్తగా ఎన్నికైన ఎమ్మెల్యేలందరూ ప్రమాణ స్వీకారం చేస్తారు. శాసనసభ స్పీకర్ ఎన్నిక జరుగుతుంది. ప్రతిపక్ష నాయకుడి ప్రకటన కూడా చేయబడుతుంది. మొత్తానికి డిసెంబర్ మొదటి వారంలో స్పీకర్ పేరు ఖరారయ్యే అవకాశం ఉంది.