Ayodhya Ram Mandir: అయోధ్యలోని పాత విగ్రహం ఏమవుతుంది..? ప్రాణప్రతిష్ఠ జరగనున్న విగ్రహం బరువు ఎంతంటే..?

Ayodhya Ram Mandir Temple Opening Ceremony Date announced

Ayodhya Ram Mandir: అయోధ్యలోని రామ మందిరం (Ayodhya Ram Mandir)లో ప్రతిష్ఠాపనకు మైసూరుకు చెందిన అరుణ్ యోగిరాజ్ రూపొందించిన రామ్ లల్లా విగ్రహాన్ని జనవరి 18న శ్రీ రామ జన్మభూమి తీర్థం గర్భగుడి వద్ద ప్రతిష్ఠించనున్నట్లు శ్రీరామ జన్మభూమి తీర్థ క్షేత్ర ట్రస్ట్ ప్రధాన కార్యదర్శి చంపత్ రాయ్ సోమవారం తెలిపారు. జనవరి 22న అయోధ్యధామ్‌లోని తన కొత్త దేవాలయంలో శ్రీరామ లల్లాకు ప్రతిష్ఠాపన కార్యక్రమం, జనవరి 16 నుంచి పూజా కార్యక్రమాలు ప్రారంభమవుతాయని, ప్రతిష్ఠించాల్సిన విగ్రహాన్ని జనవరి 18న గర్భగుడిలో ఉంచుతామని రాయ్ తెలిపారు. జనవరి 22న పీఠంపై ప్రతిష్ఠాపన ఉంటుంది.

”జనవరి 16వ తేదీ నుంచి ప్రాణప్రతిష్ఠ ఉత్సవాలు ప్రారంభమై 21వ తేదీ వరకూ జరుగుతాయి. 22న ప్రాణప్రతిష్ఠ కార్యక్రమం ఉంటుంది. ప్రాణప్రతిష్ఠ జరగనున్న విగ్రహం బరువు 150 నుంచి 200 కేజీల వరకూ ఉంటుందని అంచనా వేస్తున్నాం. జనవరి 18న ఆలయ గర్భగుడిలో విగ్రహాన్ని ఉంచుతాం” అని చంపత్ రాయ్ తెలిపారు.

Also Read: Modi : నేడు ఏపీలో NACIN కొత్త క్యాంపస్‌ ను ప్రారభించబోతున్న మోడీ..

జనవరి 23 నుంచి దేవుడి దర్శనం

జనవరి 22న పౌష శుక్ల ద్వాదశి అభిజిత ముహూర్తం నాడు మధ్యాహ్నం 12.20 గంటలకు శ్రీరామ్ లల్లాకు పట్టాభిషేకం కార్యక్రమం నిర్వహించనున్నట్లు తెలిపారు. జనవరి 20, 21 తేదీల్లో ఆలయాన్ని మూసివేస్తామని, జనవరి 23 నుంచి ప్రజలు మళ్లీ స్వామివారి దర్శనం చేసుకోవచ్చని తెలిపారు. ప్రాణ్ ప్రతిష్ఠా కార్యక్రమం గురించి సమాచారం ఇస్తూ.. రాయ్ మాట్లాడుతూ “కార్యక్రమానికి సంబంధించిన అన్ని సన్నాహాలు పూర్తయ్యాయి. ప్రాణ ప్రతిష్ఠ మధ్యాహ్నం 12.20 గంటలకు ప్రారంభమవుతుంది. ప్రాణ ప్రతిష్ఠా సమయాన్ని వారణాసి పూజారి గణేశ్వర శాస్త్రి నిర్ణయించారు. అదే సమయంలో ప్రాణ ప్రతిష్టకు సంబంధించిన మొత్తం ఆచారాన్ని వారణాసికి చెందిన లక్ష్మీకాంత దీక్షిత్ చేస్తారు” అని తెలిపారు.

We’re now on WhatsApp. Click to Join.

పాత విగ్రహం ఏమవుతుంది?

జనవరి 16 నుంచి ప్రారంభమయ్యే పూజలు జనవరి 21 వరకు కొనసాగుతాయని ఆయన తెలిపారు. జనవరి 22న ప్రాణ ప్రతిష్ఠకు అవసరమైన కనీస కార్యక్రమాలు నిర్వహించబడతాయి. 1950 నుంచి ప్రస్తుతం ఉన్న రామ్ లల్లా విగ్రహాన్ని కూడా కొత్త ఆలయ గర్భగుడిలో ఉంచుతామని చెప్పారు. ప్రాణ ప్రతిష్ట సందర్భంగా ప్రధాని నరేంద్ర మోదీ, ముఖ్యమంత్రి యోగి ఆదిత్యనాథ్, రాష్ట్రీయ స్వయంసేవక్ సంఘ్ (ఆర్ఎస్ఎస్) సర్సంచాలక్ మోహన్ భగవత్, గవర్నర్ ఆనందీ బెన్ పటేల్, రామజన్మభూమి ట్రస్ట్ చైర్మన్ మహంత్ నృత్య గోపాల్ దాస్, న్యాయమూర్తులందరూ హాజరవుతారని రాయ్ తెలిపారు. ఇంజనీర్ గ్రూప్‌గా పేరు పొందిన ఆలయ నిర్మాణానికి సంబంధించిన 500 మందికి పైగా ప్రజలు ఈ కార్యక్రమానికి సాక్షులుగా ఉంటారు. దాదాపు 150 వర్గాల సాధువులు ఈ వేడుకలో పాల్గొంటారు.