న్యూఢిల్లీ: బజరంగ్ దళ్, విశ్వహిందూ పరిషత్ గురువారం దేశంలోని వివిధ ప్రాంతాల్లో నిరసనలు నిర్వహించింది. పీఎఫ్‌ఐ, తబ్లిగీ జమాత్‌పై నిషేధం విధించాల‌ని డిమాండ్ చేస్తూ మెమోరాండాలను సమర్పించాయి. పాపులర్ ఫ్రంట్ ఆఫ్ ఇండియా (పిఎఫ్‌ఐ), తబ్లిఘి జమాత్ వంటి సంస్థలు “దేశంలో రాడికల్ జిహాదీ హింస, దౌర్జన్యాలు, హింసను” రేకెత్తిస్తున్నాయని ఆరోపించింది . హిందూ సమాజాన్ని “మైనారిటీ”గా మార్చిన ప్రదేశాలలో తగినంత రక్షణ ఇవ్వాలని పేర్కొంది. సస్పెన్షన్‌కు గురైన బీజేపీ నేత నూపుర్ శర్మ, పార్టీ బహిష్కరణకు గురైన పార్టీ నేత నవీన్ జిందాల్ వివాదాస్పద వ్యాఖ్యల కేసుల్లో, “కోర్టు అలా ప్రకటిస్తే తప్ప వారిని దోషులుగా పరిగణించలేము” అని వీహెచ్‌పీ కేంద్ర వర్కింగ్ ప్రెసిడెంట్ అలోక్ శర్మ అన్నారు.
జమ్మూకశ్మీర్‌లోని సుందర్‌బానీలో బజరంగ్‌దళ్‌ ఆధ్వర్యంలో జరిగిన ధర్నాలో ఆయన ప్రసంగించారు.
“జిహాదీ, ఛాందసవాద ముస్లిం నాయకత్వం” శుక్రవారం ప్రార్థనల సమయంలో లేదా ఇతర సందర్భాలలో సాధారణ ముస్లింలను తప్పుదారి పట్టించడం ద్వారా హింస మార్గంలోకి నెట్టకూడదని ఆయన అన్నారు. జూన్ 3, జూన్ 10వ తేదీల్లో జరిగిన హింసకు బాధ్యులైన వారిని గుర్తించి జాతీయ భద్రతా చట్టం కింద చర్యలు తీసుకోవాలని భజరంగ్ దళ్ డిమాండ్ చేసింది. హత్య బెదిరింపులకు పాల్పడుతున్న వారికి తక్షణమే రక్షణ కల్పించాలని, బెదిరింపులకు పాల్పడే వారిపై కఠిన చట్టపరమైన చర్యలు తీసుకోవాలని బజరంగ్ దళ్ పేర్కొంది.