హిమాచల్ ప్రదేశ్ (Himachal Pradesh) రాష్ట్రంలో లాహౌల్-స్పితి గిరిజన జిల్లాలో హిమపాతం కొనసాగుతోంది. ముగ్గురు బిఆర్ఓ కార్మికులు ఆదివారం సాయంత్రం 4 గంటల సమయంలో లాహౌల్ సబ్డివిజన్లోని సరిహద్దు ప్రాంతమైన చికా సమీపంలో హిమపాతం కింద సమాధి అయ్యారు. ఇద్దరు కూలీల మృతదేహాలు లభ్యం కాగా, మూడో వ్యక్తి ఆచూకీ లభించలేదు. BRO యంత్రాలు, కార్మికులు దర్చా-శింకుల రహదారిని పునరుద్ధరిస్తుండగా ప్రమాదం జరిగింది.
కొండపై నుంచి ఒక్కసారిగా హిమపాతం రావడంతో కూలీలు చిక్కుకుపోయారు. ముగ్గురు కూలీలు BROకి చెందినవారు. ఈ ఘటనలో BRO స్నో కట్టర్ కూడా పట్టుబడింది. ప్రమాదం గురించి సమాచారం అందుకున్న వెంటనే జిల్లా యంత్రాంగం, జిల్లా విపత్తు నిర్వహణ, పోలీసులు, రెస్క్యూ టీం సాయంత్రం 6 గంటల సమయంలో సంఘటనా స్థలానికి చేరుకున్నారు. సబ్-జీరో ఉష్ణోగ్రత, చీకటి కారణంగా ఇద్దరు కార్మికుల మృతదేహాలను మాత్రమే వెలికి తీయగలిగారు. మూడవ మృతదేహం ఇంకా కనుగొనబడలేదు.
Also Read: 12 Hindu Temples: 12 హిందూ దేవాలయాలపై దాడి.. 14 విగ్రహాలు ధ్వంసం
గల్లంతైన మూడో కూలీ కోసం నేడు వెతకనున్నారు. ఉపకమిషనర్ లాహౌల్-స్పితి సుమిత్ ఖిమ్తా మాట్లాడుతూ.. సున్నా కంటే తక్కువ ఉష్ణోగ్రత, చీకటి కారణంగా సహాయక చర్యలను నిలిపివేసినట్లు ఆదివారం తెలిపారు. సోమవారం ఉదయం నుంచి రెస్క్యూ ఆపరేషన్ మళ్లీ ప్రారంభమవుతుందని అన్నారు. ఇద్దరు BRO కార్మికుల మృతదేహాలను కీలాంగ్ ఆసుపత్రికి తీసుకువచ్చినట్లు ఆయన తెలిపారు. మృతులను రామ్ బుద్ధ (19), రాకేష్గా గుర్తించగా, గల్లంతైన వ్యక్తిని పసాంగ్ షెరింగ్ లామాగా గుర్తించారు.