Air Quality: దీపావళి తర్వాత ఢిల్లీ, నోయిడా, గురుగ్రామ్, జాతీయ రాజధాని ప్రాంతం (ఎన్‌సిఆర్) చుట్టూ గాలి విషపూరితంగా (Air Quality) మారింది. బాణసంచా కాల్చడాన్ని నిషేధిస్తూ సుప్రీంకోర్టు ఆదేశాలు జారీ చేసినప్పటికీ దేశ రాజధాని ఢిల్లీలో భారీగా బాణాసంచా కాల్చారు. దీపావళి తర్వాత దేశంలోని టాప్ 10 కాలుష్య నగరాల గురించి మాట్లాడితే.. ఢిల్లీ కంటే ఉత్తరప్రదేశ్ నగరాల్లో శ్వాస తీసుకోవడంలో ఎక్కువ సమస్యలు వచ్చిన‌ట్లు తెలుస్తోంది. బాణసంచా కారణంగా ఢిల్లీ, ఉత్తరప్రదేశ్‌లలో గాలి నాణ్యత చాలా క్షీణించిన‌ట్లు స‌మాచారం.
తొలి పది కాలుష్య నగరాల్లో ఢిల్లీ పేరు లేదు
ఉత్తరప్రదేశ్‌లోని చాలా నగరాలు కాలుష్యం కారణంగా ఎక్కడ చూసినా పొగ మేఘాలు కమ్ముకున్నాయి. UPలోని సంభాల్ గాలి అత్యంత కలుషితమైనదిగా మారింది. ఇక్క‌డ AQI 423గా నమోదైంది. దీని తర్వాత UPలోని మొరాదాబాద్ AQI 414 రెండవ స్థానంలో ఉంది. మూడవ స్థానంలో రాంపూర్ AQI 407గా ఉంది. సహరాన్‌పూర్ AQI 387 నాలుగో స్థానంలో ఉంది. బదౌన్ AQI 383 ఐదవ స్థానంలో ఉంది. పిలిభిత్ AQI 383 ఆరవ స్థానంలో ఉంది. ఏడో స్థానంలో షాజహాన్‌పూర్ AQI 383, ఎనిమిదో స్థానంలో బరేలీ AQI 383, తొమ్మిదో స్థానంలో అంబాలా AQI 379, మీరట్ AQI 374 10వ స్థానంలో ఉంది.
Also Read: Women Aghori : పోలీసుల అదుపులో మహిళ అఘోరి..!
ఢిల్లీలో రాత్రంతా బాణసంచా కాల్చారు
ఈ జాబితాలో కాలుష్య గాలి పరంగా ఢిల్లీ 11వ స్థానంలో ఉంది. ఢిల్లీ ఏక్యూఐ 353గా నమోదైంది. కాలుష్యానికి సంబంధించి AQI న‌వంబ‌ర్‌ 1, 2024 ఉదయం 10 గంటలకు ఓ నివేదిక విడుద‌ల చేసింది. బాణాసంచా నిషేధాన్ని అమలు చేయడానికి, స్థానిక సంఘాల ద్వారా అవగాహన కల్పించడానికి ఢిల్లీ ప్రభుత్వం 377 ఎన్‌ఫోర్స్‌మెంట్ బృందాలను ఏర్పాటు చేసింది. ఇదిలావుండగా తూర్పు, పశ్చిమ ఢిల్లీ ప్రాంతాల్లో పెద్ద ఎత్తున ఆంక్షలు ఉల్లంఘించినట్లు వార్తలు వచ్చాయి. పెరుగుతున్న కాలుష్యాన్ని ఎదుర్కోవడానికి ఢిల్లీ ప్రభుత్వం వరుసగా ఐదవ సంవత్సరం దేశ రాజధానిలో బాణసంచా తయారీ, నిల్వ, అమ్మకం, వినియోగంపై సమగ్ర నిషేధాన్ని ప్రకటించింది. కానీ గణనీయమైన ప్రభావం కనిపించలేదు.