టమాటా ధర ఆల్ టైం రికార్డు స్థాయికి చేరుతుంది. ప్రస్తుతం మార్కెట్‌లో కిలో టమాటా రూ. 155 ప‌లుకుంది. మెట్రో నగరాల్లో అత్యధికంగా కోల్‌కతాలో ఈ ధర ఎక్కువ‌గా ఉంది. భారతదేశంలోని ప్రధాన నగరాల్లో టమాటాల రిటైల్ ధర కిలోకు రూ. 155 పెరిగింది. వినియోగదారుల వ్యవహారాల మంత్రిత్వ శాఖ నిర్వహించిన డేటా ప్రకారం కోల్‌కతాలో అత్యధికంగా టామాటాలు కిలోకు 148 రూపాయలకు విక్రయించబడ్డాయి. పశ్చిమ బెంగాల్‌లోని పురూలియా ప్రాంతంలో కిలో కూరగాయలు రూ.155కు విక్రయించారు. రుతుపవనాల రాక ఆలస్యమైన కారణం, టమాటా పంట ఉత్పత్తి కొరత కారణంగా ధరలు అధికంగా ఉన్న‌ట్లు వ్యాపారులు అంటున్నారు. మెట్రో నగరాల్లో రిటైల్ టమోటా ధరలు కిలోకు రూ. 58-148 మధ్య ఉన్నాయి, కోల్‌కతాలో అత్యధికంగా రూ. 148, ముంబైలో అత్యల్పంగా కిలో రూ. 58. ఢిల్లీలో కిలో రూ.110, చెన్నైలలో టమాటా కిలో 117గా ఉంది. ఢిల్లీలో స్థానిక విక్రేతలు నాణ్యత, స్థానికతను బట్టి కిలోకు రూ. 120-140 శ్రేణిలో ట‌మాటాలు విక్రయిస్తున్నారు. బ్లింకిట్, స్విగ్గీ ఇన్‌స్టామార్ట్ వంటి ఆన్‌లైన్ కిరాణా షాపింగ్ అప్లికేషన్‌లలో టామాటా ధర కిలో రూ.140కి పైగా ఉంది.
సాగు, రవాణా ప్రభావితమైన ఉత్పత్తి రాష్ట్రాల నుండి గత రెండు వారాల్లో సరఫరాకు అంతరాయం ఏర్పడింది. అంతేకాకుండా భారీ వర్షాల కారణంగా పంటలకు నష్టం వాటిల్లడంతో ధరపై ప్రభావం పడుతోంది. ఢిల్లీలో, ఉత్తరప్రదేశ్, హర్యానా వంటి పొరుగు రాష్ట్రాల నుండి సరఫరా తగ్గిన తర్వాత ధర పెరిగింది. ప్రస్తుతం టమాటా ధరలు పెరగడం కాలానుగుణంగా జరుగుతుందని, మరో 15 రోజుల్లో తగ్గుముఖం పట్టి నెల రోజుల్లో సాధారణ స్థితికి వచ్చే అవకాశం ఉందని ప్రభుత్వం పేర్కొంది.